Hersiening vir die Teokratiese Bedieningskool
Gesloteboek-hersiening van materiaal wat gedek is in die Teokratiese Bedieningskool deur toewysings vir die weke vanaf 2 Januarie tot 17 April 1995. Gebruik ’n afsonderlike vel papier om die antwoorde op soveel vrae as moontlik in die toegewese tyd neer te skryf.
[Let wel: Slegs die Bybel mag tydens die skriftelike hersiening gebruik word om enige vraag te beantwoord. Die bronneverwysings ná die vrae is vir jou persoonlike navorsing. Nie al die verwysings na Die Wagtoring sal ’n bladsy- en paragraafnommer hê nie.]
Dui aan of die volgende stellings Waar of Onwaaris:
1. Die geskil oor soewereiniteit is eintlik ’n vraag oor wie die magtigste is, Jehovah of Satan. [jv-AF bl. 11-12]
2. Die Christengemeente van die eerste eeu was ’n los gemeenskap van onafhanklike plaaslike gemeentes. [jv-AF bl.29 par. 1-3]
3. Dit is ’n teken van swakheid om raad aan te neem. [uw-AF bl. 127 par.4]
4. Die woorde “opsiener” en “ouere man”, of “ouderling”, het almal betrekking op dieselfde posisie. [jv-AF bl.35 voetnoot]
5. Spreuke 11:25 is ’n voorbeeld van parallelle gedagtes of idees in Hebreeuse digstyl, en Spreuke 10:7 is ’n voorbeeld van antitetiese parallelisme. [si-AF bl.107 par.7]
6. In 33G.J., toe hy opgewek is en sy plek aan God se regterhand ingeneem het, het Jesus oor sy gesalfde dissipels begin regeer (Kol. 1:13). [gt-AF hfst. 132]
7. Bykans 3 000 jaar voordat wetenskaplikes die genetiese kode ontdek het, het Psalm 139:13-16 daarvan gepraat. [Weeklikse Skrifgedeelte; sien w92-AF 5/15 bl.4.]
8. Spreuke 8:22-31 is bloot ’n beskrywing van wysheid. [Weeklikse Skrifgedeelte; sien w87-AF 5/15 bl.28.]
9. ’n Ware Christen moet niks haat nie. [Weeklikse Skrifgedeelte; sien w92-AF 1/1 bl.21.]
10. Aangesien baie van die vroeë Christene in doodsgevaar getuig het, het die Griekse woord vir “getuie” die betekenis gekry wat van toepassing was op mense wat bereid was om vir hulle geloof te sterf. [jv-AF bl.13]
Beantwoord die volgende vrae:
11. Noem drie getuies van Jehovah wat voor die Vloed geleef het. [jv-AF bl. 13-14]
12. Weens watter twee redes moes Jesus, volgens Jesaja 43:10 en 61:1,2, ’n getuie van Jehovah wees? [jv-AF bl.19 par.4]
13. In watter opsig het Jesus God se naam geopenbaar, of bekend gemaak, aan Jode wat later Christene geword het, as hulle reeds God se naam geken het? [jv-AF bl.21 par. 1]
14. Watter twee betekenisvolle organisatoriese veranderings het in die gemeente plaasgevind binne ongeveer 150 jaar ná die dood van die laaste van die apostels? [jv-AF bl.35 par. 2, bl.36 par.2]
15. Hoewel die Hervorming heelwat goeie dinge tot stand gebring het, haal ten minste twee basiese gebreke aan wat die Protestantse kerke van Katolisisme oorgedra het. [jv-AF bl.39 par. 2,3]
16. Watter valse leerstelling was afstootlik vir die tienderjarige Charles Taze Russell wat opreg van hart was? [jv-AF bl.43 par.2]
17. Waarom was broer Russell se benadering tot die verduideliking van By-belleerstellings baie anders as dié van talle skrywers van sy dag? [jv-AF bl.53 par.3]
18. Van watter nut was Jesus se kennis van die Psalms vir hom? [si-AF bl. 105 par. 30]
19. Waarom was die getroue apostels, Jesus se halfbroer Jakobus en meer as 500 dissipels oortuig dat Jesus opgewek is? [gt-AF hfst. 131]
20. Wie het aan Salomo sy wysheid gegee, en wat moet dit ons laat besef wanneer ons Spreuke lees? [si-AF bl. 106 par. 1]
Voorsien die woord of frase wat nodig is om elk van die volgende verklarings te voltooi:
21. Diegene aan wie Jesus sy woorde in Handelinge 1:8 gerig het, was reeds getuies van ․․․․․․․, en nou sou hulle die verdere voorreg gehad het om getuies van ․․․․․․․ te wees. [jv-AF bl.26 par. 1,2]
22. Broer Russell was daarvan oortuig dat Christus se wederkoms ․․․․․․․ sou wees, en dit is interessant om te sien dat sir Isaac Newton lank voor broer Russell se tyd geskryf het dat Christus met sy wederkoms en wanneer hy regeer “․․․․․․․” sou wees. [jv-AF bl.46 voetnoot]
23. In sy beroemde toespraak op Pinksterdag 33G.J. het Petrus herhaaldelikuit die boek ․․․․․․․ aangehaal; by daardie geleentheid is nagenoeg ․․․․․․․ mense gedoop en by die gemeente gevoeg. [si-AF bl. 105 par.25,26]
24. Die Psalms het voorspel dat Jesus ․․․․․․․ aangebied sou word om te drink, dat die lot vir sy ․․․․․․․ gewerp sou word en dat dit sou voorkom of ․․․․․․․ hom verlaat het. [si-AF bl.105 par.30]
25. Die Christelike godsdiens het as ․․․․․․․ bekend geword omdat dit ’n weg of leefwyse was wat gedraai het om geloof in ․․․․․․․ en die noukeurige navolging van sy voetstappe. [jv-AF bl.29 par.5]
Kies die korrekte antwoord in elk van die volgende verklarings:
26. Toe Jesus aan die paal genael is, is hy wyn met mirre aangebied, maar hy het geweier om dit te drink omdat (die Wet dit verbied het; hy ’n Nasireër was; hy by sy volle sinne wou wees). [gt-AF hfst.125]
27. Om ons klere te was en dit wit te maak in die bloed van die Lam beteken dat ons (ophou sondig; besef dat ons die versoeningswaarde van Jesus se offer nodig het; ons lewe aan God toewy en gedoop word). [uw-AF bl. 106 par.7]
28. Jesus was ten minste vyf keer onskuldig verklaar deur (Herodes; Pilatus; Felix), wat later aan die Jode se meedoënlose eise toegegee en Jesus oorgelewer het om tereggestel te word. [gt-AF hfst.124]
29. Al God se getroue knegte wat voor Pinkster van (36; 35; 33)G.J. gesterf en in die graf gebly het, is nie met heilige gees vir ’n hemelse lewe gesalf nie. [uw-AF bl.111 par.5]
30. Satan voer aan dat alle mense deur (liefde; haat; ’n begeerte na persoonlike wins) aangedryf word en dat hulle vernaamste oorweging (God se naam; ander; die eie ek) is. [uw-AF bl. 124 par.14]
Paar die volgende tekste af met die verklarings hieronder:
Spr. 3:27, 28; Joh. 19:4-6; 19:25-27; Rom. 15:2,3; Openb. 7:16,17
31. Christene het die verantwoordelikheid om na hulle bejaarde ouers om te sien. [gt-AF hfst. 126]
32. Ons is opreg besorg oor die uitwerking wat ons voorkoms op ander kan hê; daarom is ons bereid om van ons eie voorkeur af te sien. [uw-AF bl. 130 par. 10,11]
33. Wanneer ons ook al die geleentheid het om aan ander goed te doen, of dit nou op ’n geestelike of materiële manier is, moet ons die geleentheid aangryp en ons medemens, veral ons geestelike broers, help. [Weeklikse Skrifgedeelte; sien w93-AF 12/15 bl.20.]
34. Te midde van teenspoed kan stille waardigheid en kalmte Jehovah tot eer strek en mense se respek afdwing. [gt-AF hfst. 123]
35. Ons het reeds begin om die beloofde toestande te geniet wat gepas “’n geestelike paradys” genoem word. [uw-AF bl. 107-8 par. 9-11]