Aankondigings
◼ Lektuuraanbod vir Oktober: Jaarintekeninge per pos op die Ontwaak! of Die Wagtoring teen ’n bydrae van R33,00 vir halfmaandelikse uitgawes. ’n Jaarintekening op maandelikse uitgawes of ’n halfjaarlikse intekening op halfmaandelikse uitgawes kos R16,50. Klubintekeninge kos onderskeidelik R19,00 en R9,50. Wend ’n spesiale poging aan om eksemplare van die tydskrifte by mense te laat wanneer die aanbod van die hand gewys word. November: Bied die Nuwe Wêreld-vertaling van die Christelike Griekse Geskrifte saam met die boek Die mensdom se soeke na God teen ’n bydrae van R10,90 aan. Desember en Januarie: Die grootste mens wat nog geleef het teen ’n bydrae van R10,50.
◼ NEEM ASSEBLIEF KENNIS: Ons moedig julle aan om benewens die gewone maandelikse aanbod vir die maande Oktober en November die Paradys op aarde-boek teen die spesiale prys aan te bied. Hierdie spesiale aanbod word nou verleng om al ons surplusvoorraad van hierdie boek te versprei.
◼ Gemeentes kan nou die 1996-jaarteks bestel, wat teen R13,00 elk in Afrikaans, Engels, Suid-Sotho, Xhosa en Zulu beskikbaar is. Die koste sal teen die lektuurrekening gedebiteer word. Gemeentes wat ’n nadelige saldo op hulle lektuurrekening het, moet kontant saam met hulle bestelling stuur. Ons stel voor dat alle gemeentes die nuwe jaarteks teen 1Januarie 1996 in hulle vergaderplek aanbring.
◼ Gemeentes moet Ondersoek die Skrif elke dag—1996 van 1 Oktober af saam met hulle gewone lektuurbestelling begin bestel. Die boekies sal beskikbaar wees in Afrikaans, Duits, Engels, Frans, Grieks, Italiaans, Kwanyama, Portugees, Sepedi, Suid-Sotho, Tsonga, Tswana, Venda, Xhosa en Zulu. Totdat hierdie boekies beskikbaar is en versend word, sal hulle as “Back Ordered” op gemeentelike fakture verskyn. Die Ondersoek die Skrif-boekies is ’n beheerde item en sal teen R1,80 elk teen die lektuurrekening gedebiteer word, wat die prys vir verkondigers en pioniers is. Gewone en spesiale pioniers wat voor 1 Julie 1995 op die lys was, kan een gratis eksemplaar ontvang. Gemeentes wat nie ’n rekening by die Genootskap het nie of ’n nadelige saldo op hulle lektuurrekening het, moet kontant saam met hulle bestelling stuur. ’n Afsonderlike inskrywing moet op die Remittance and Credit Request-vorm (S-AB-20) gemaak word om die gratis eksemplare vir pioniers aan te dui. Dit moet deur die gemeente bestel word. ONS MOEDIG ELKE GESINSLID AAN, ONDER ANDERE KINDERS WAT KAN LEES, OM HULLE EIE EKSEMPLAAR VAN HIERDIE BOEKIE TE HÊ.
◼ Die byvoegsel in hierdie nommer van Ons Koninkryksbediening is die “Rooster vir die Teokratiese Bedieningskool vir 1996”. Dit moet gehou word sodat daar gedurende 1996 deurgaans daarna verwys kan word. Ons moedig alle Afrikaanssprekende verkondigers aan om die Insight-bundels aan te skaf, aangesien hulle dit vir Toespraak Nr. 4 nodig gaan hê.
◼ Dienskomitees moet asseblief uitsonderlike ondervindinge van die ontoegekendegebied-kampanje aan die Genootskap stuur. Ons wil dit graag voor 15 November 1995 ontvang.
◼ Spesiale, gewone en hulppioniers kan hulle persoonlike intekeninge teen pioniertarief verkry as dit deur die plaaslike gemeente ingestuur word. Die pioniertarief geld nie vir geskenkintekeninge wat aan verkondigers gestuur word nie. Verder moet verkondigers wat lede van ’n pionier se huisgesin is en self nie pioniers is nie hulle intekeninge teendie gewone verkondigertarief verkry.