Aankondigings

◼ Lektuuraanbod vir Julie en Augustus: Enige van die volgende brosjures met 32 bladsye teen ’n bydrae van R1,20 elk: Die regering wat die Paradys gaan bring, Gee God werklik vir ons om?, Jy kan vir ewig op die aarde lewe!, Moet jy aan die Drie-eenheid glo?, Wanneer ’n geliefde sterf en Wat is die doel van die lewe—Hoe kan jy dit vind? In ontoegekende gebied: Kennis wat tot die ewige lewe lei teen ’n bydrae van R4,00. September: Die geheim van gesinsgeluk teen ’n bydrae van R4,00. Oktober: Jaarintekening per pos op die Ontwaak! of Die Wagtoring teen ’n bydrae van R48,00 vir halfmaandelikse uitgawes. ’n Jaarintekening op maandelikse uitgawes of ’n halfjaarlikse intekening op halfmaandelikse uitgawes kos R24,00. Klubintekeninge kos R24,00 en R12,00 onderskeidelik. Wend ’n spesiale poging aan om tydskrifte by mense te laat wanneer die aanbod van die hand gewys word. In die tweede helfte van die maand sal daar begin word om Koninkryksnuus Nr. 35 te versprei.

◼ Vanaf September sal kringopsieners die openbare toespraak met die titel “Vertrou op Jehovah se verlossingskrag” hou.

◼ Gemeentes word daaraan herinner om genoeg vorms vir die 1998-diensjaar te bestel. Hierdie vorms moet nie gemors word nie; hulle moet slegs gebruik word vir die doel waarvoor hulle gedruk is.

◼ Die Genootskap ontvang ’n groot hoeveelheid pos sonder ’n afsendersadres op die koevert. Skryf asseblief julle gemeente se naam en nommer, of in die geval van persoonlike pos jou naam en adres, duidelik op die koevert, ten einde die Posafdeling te help.

◼ LET WEL: Die nuwe datum vir die volgende streekbyeenkoms is: 26-28 Desember: KaNyamazane