Aankondigings

◼ Lektuuraanbod vir Oktober: Die Wagtoring en Ontwaak! November: Wat vereis God van ons? of Kennis wat tot die ewige lewe lei. Desember: Die grootste mens wat nog geleef het. Januarie: Die geheim van gesinsgeluk of Die mensdom se soeke na God.

◼ ’n Byvoegsel tot hierdie nommer van Ons Koninkryksbediening is die “Rooster vir die Teokratiese Bedieningskool vir 2002” en moet gehou word sodat daar gedurende 2002 deurgaans daarna verwys kan word.

◼ Bethel het ’n gekwalifiseerde motorelektrisiën dringend nodig. Is jy tussen 19 en 35 jaar oud, ongetroud, of as jy getroud is, sonder ander afhanklikes? Kan jy jou beskikbaar stel vir die unieke voorreg van Betheldiens? Skakel asseblief die takkantoor of skryf aan ons as jy jou beskikbaar kan stel.

◼ As julle gemeente se vergaderingtye op 1 Januarie gaan verander, moet die gemeentelike sekretaris die takkantoor in kennis stel van die veranderinge deur ’n Congregation Meeting Information-vorm (S-5) in te stuur. Indien nodig kan ’n nuwe voorraad strooibiljette bestel word deur ’n Handbill Request-vorm (S(d)-16) in te stuur. Strooibiljette moet aangevra word ten minste agt weke voordat julle dit gaan nodig hê.

◼ Gemeentes moet die 2002-jaarteks saam met hulle lektuur vir Oktober begin aanvra. Let wel: Die jaarteks is nou ’n kontantitem, en daarom sal dit slegs gestuur word wanneer ons die betaling van julle gemeente af ontvang het. Hierdie item kos R22,00 elk. Wanneer julle die betaling instuur, moet julle die “Oorbetaling van bydraes”-vorm (S(d)-20) gebruik en “Jaarteks” op ’n aparte reël aandui. Die jaarteks sal in Afrikaans, Engels, Portugees, Suid-Sotho, Xhosa en Zulu beskikbaar wees. Gemeentes mag slegs twee jaartekste per taal aanvra. Ons stel voor dat gemeentes die nuwe jaarteks teen 1 Januarie 2002 vertoon.

◼ Gemeentes moet Ondersoek die Skrif elke dag—2002 saam met hulle lektuur vir Oktober begin aanvra. Die boekies sal beskikbaar wees in Afrikaans, Chichewa, Chinees, Duits, Engels, Frans, Grieks, Italiaans, Japannees, Kwanyama, Pools, Portugees, Sepedi, Shona, Suid-Sotho, Tsonga, Tswana, Venda, Xhosa en Zulu. Totdat hierdie boekies beskikbaar is en versend word, sal dit as “Pending” op gemeentelike paklyste verskyn. Die Ondersoek die Skrif-boekies is spesiaal aangevraagde items, wat beteken dat dit slegs deur die gemeente aangevra moet word wanneer broers dit spesifiek aanvra; die lektuurkneg kan nie ’n groot voorraad namens die gemeente bestel nie. ’n Noukeurige rekord moet dus gehou word van almal wat hierdie item aanvra. (Sien Wagtoring-gids vir lektuuraanvrae, Deel 3.)

◼ Dit is belangrik dat groepe van 20 of meer mense wat beplan om die takkantoor te besoek, eers die Bethelkantoor skriftelik of per telefoon in kennis stel. Sê asseblief hoeveel mense daar in die groep is en wanneer en hoe laat julle gaan kom. Voorsien hierdie inligting asseblief vroegtydig. Voor julle besoek moet julle asseblief die Vraebus in Ons Koninkryksbediening vir Maart 1998 hersien in verband met gepaste kleredrag en persoonsversorging wanneer Bethelhuise besoek word.

◼ Nuwe publikasies beskikbaar:

Kennis wat tot die ewige lewe lei—groot druk—Engels

◼ Nuwe videokassette beskikbaar:

Faithful Under Trials—Jehovah’s Witnesses in the Soviet Union—Engels

Die grootste mens wat nog geleef het—op videokasset, Deel 2—Amerikaanse Gebaretaal