Aankondigings

◼ Lektuuraanbod vir Januarie: Die geheim van gesinsgeluk. Gemeentes wat Die mensdom se soeke na God in voorraad het, kan dit ook aanbied. Februarie en Maart: Kennis wat tot die ewige lewe lei. ’n Spesiale poging sal aangewend word om tuisbybelstudies te begin. April en Mei: Vestig die aandag op individuele eksemplare van Die Wagtoring sowel as die Ontwaak! Wanneer ons herbesoeke by belangstellendes doen, moet ons ons daarop toespits om die Vereis-brosjure by hulle te laat. Ons moet alles in ons vermoë doen om ’n tuisbybelstudie te begin.

◼ “Verlossing uit ’n donker wêreld” is die tema van die nuwe openbare toespraak wat kringopsieners vanaf Februarie, en nie later as 2 Maart nie, sal hou.

◼ Gemeentes moet geskikte reëlings tref om die Gedenkmaal vanjaar op Woensdag, 16 April, ná sononder te vier. Hoewel die toespraak vroeër kan begin, moet daar eers ná sononder begin word om die embleme om te stuur. Doen by plaaslike bronne navraag om te bepaal hoe laat sononder in julle omgewing sal wees. As ’n paar gemeentes gewoonlik dieselfde Koninkryksaal gebruik, kan een of meer gemeentes miskien ander fasiliteite vir daardie aand gebruik. Ons wil voorstel dat daar, indien moontlik, ten minste 40 minute tussen programme gelaat word sodat almal ten volle by die geleentheid kan baat vind. Verkeerstoestande en parkering moet in aanmerking geneem word, asook die feit dat passasiers op- en afgelaai moet word. Die liggaam van ouer manne moet besluit watter reëlings plaaslik die beste sal wees.

◼ Vanaf die nommer van 1 Januarie 2003 sal ’n grootdrukuitgawe van Die Wagtoring in Shona beskikbaar wees.

◼ Nuwe braille-publikasies beskikbaar:

2003 Yearbook of Jehovah’s Witnesses—Graadtwee-Engels

Ondersoek die Skrif elke dag—2003—Graadtwee-Engels

Rooster vir die Teokratiese Bedieningskool vir 2003—Graadtwee-Engels

◼ Nuwe publikasies beskikbaar:

Watch Tower Publications Index 2001—Engels

◼ Nuwe videokassette beskikbaar:

Respekteer Jehovah se gesag—op videokasset—Amerikaanse gebaretaal

Die grootste mens wat nog geleef het—op videokasset—Amerikaanse gebaretaal

Waarskuwende voorbeelde vir ons dag—op videokasset—Engels

Ons spesiale Tydskrifdag sal op 5 April 2003 wees. In die verlede het baie dit geniet om aan die bedrywighede van die spesiale Tydskrifdag deel te neem. Ons wil almal aanmoedig om nou al te begin beplan sodat julle vanjaar ’n volle aandeel daaraan kan hê. Gemeentes moet spesiale tydskrifaanvrae so gou moontlik instuur.