Aankondigings

◼ Lektuuraanbod vir Januarie: Enige boek wat voor 1988 uitgegee is en die gemeente in voorraad het. As julle dit nie in voorraad het nie, kan julle gerus by nabygeleë gemeentes uitvind of hulle ’n groot voorraad ouer publikasies het wat julle kan gebruik. Gemeentes wat nie ouer boeke het nie, kan Die mensdom se soeke na God of Die geheim van gesinsgeluk aanbied. Februarie: Kom nader aan Jehovah. Maart: Kennis wat tot die ewige lewe lei. ’n Spesiale poging moet aangewend word om tuisbybelstudies te begin. As mense reeds hierdie publikasie het, kan Gee ag op Daniël se profesie! aangebied word. April: Bied individuele eksemplare van Die Wagtoring sowel as die Ontwaak! aan. Wanneer herbesoeke by belangstellendes gedoen word, moet diegene ingesluit word wat die Gedenkmaal of ander teokratiese geleenthede bywoon, maar nie gereeld met die gemeente omgaan nie. Ons moet probeer om die Aanbid God-boek by hulle te laat. Wend ’n spesiale poging aan om ’n tuisbybelstudie te begin, veral as party persone reeds die Kennis-boek en die Vereis-brosjure gestudeer het.

◼ Vanaf Februarie, en nie later as 7 Maart nie, sal kringopsieners die nuwe openbare toespraak hou met die tema: “Wie se waardes is vir jou belangrik?”

Ons spesiale Tydskrifdag sal op 3 April 2004 wees. In die verlede het baie dit geniet om aan die bedrywighede op ons spesiale Tydskrifdag deel te neem. Ons moedig almal aan om nou al reëlings te tref sodat julle vanjaar ’n volle deelname daaraan kan hê. Gemeentes moet spesiale tydskrifbestellings so gou moontlik instuur.