Teokratiese nuus

◼ Ons is bly om aan te kondig dat nog agt Koninkryksale toegewy is vir die volgende gemeentes: Bronkhorstspruit-Noord, Mandelapark (Kaapstad), Lusikisiki-Oos, Fort Beaufort-Sentraal, Folweni-Wes, Whittlesea en Colenso. Die Streekboukomitees bestuur die bou- en instandhoudingprogram van ons Koninkryksale met groot sukses. Dankie dat julle die komitees in hulle werk ondersteun.

◼ Die ontoegekendegebied-kampanje in Suid-Afrika van Augustus tot Oktober was ’n groot sukses. Jehovah het die pogings geseën van die 10 040 verkondigers wat in 2004 aan die kampanje deelgeneem het. Hulle bedrywighede het daartoe gelei dat 4 149 boeke, 38 179 brosjures en 58 490 tydskrifte by belangstellendes gelaat is. Hulle het 84 331 uur gewerk, 7 388 herbesoeke gedoen en 74 Bybelstudies gehou.

Die 26 tydelike spesiale pioniers wat gedurende dieselfde tydperk in die ontoegekende gebied gedien het, het dit baie geniet. Hulle het 10 693 uur gewerk, 661 boeke, 2 688 brosjures en 3 508 tydskrifte versprei, 3 793 herbesoeke gedoen en 553 Bybelstudies gehou. Ons bedank almal wat aan hierdie kampanje deelgeneem het vir hulle selfopofferende gees.