Aankondigings

◼ Lektuuraanbod vir Februarie: Kom nader aan Jehovah. Maart: Wat leer die Bybel werklik? April en Mei: Die Wagtoring en Ontwaak!

◼ Die sekretaris en die diensopsiener moet die bedrywighede van al die gewone pioniers nagaan. As enigeen van hulle dit moeilik vind om aan die uurvereiste te voldoen, moet die ouer manne reël dat hulle gehelp word. Hersien die jaarlikse S-201-briewe vir wenke.

◼ “Jy kan veilig voel in hierdie wêreld vol probleme!” sal die tema van die spesiale openbare toespraak vir die 2007-Gedenkmaalseisoen wees wat op 15 April gehou sal word. Sien die aankondiging wat hiermee verband hou in Ons Koninkryksbediening vir Oktober 2006.

◼ Ons het aan al die gemeentes 30 spesiale Gedenkmaaluitnodigings per verkondiger gestuur op grond van hoeveel eksemplare van Ons Koninkryksbediening gemeentes in elke taal kry. As ’n gemeente deel uitmaak van ’n Koninkryksaallektuurgroep, moet hulle hulle voorraad by die lektuurkoördineerder kry. Hy moet seker maak dat al hierdie gemeentes hulle voorraad, soos op die paklys aangedui, so gou moontlik kry. Geen bykomende voorraad sal aan gemeentes gestuur word nie.

◼ Die Wagtoring en Ontwaak! op oudiokasset in Engels en Portugees sal van die nommers van Julie 2007 af nie meer beskikbaar wees nie. Huidige aanvrae op lêer sal dan outomaties gekanselleer word. Sien die uitgewersbladsy van die tydskrifte vir die formate waarin dit beskikbaar is en aangevra kan word. Mettertyd sal alle oudio- en videokassette met CD-ROM’s en DVD’s vervang word.

◼ Gemeentes kan nou Watchtower Library—2006 begin aanvra. Dit is ’n spesiaal aangevraagde item en is net vir Jehovah se Getuies beskikbaar. Op bestaande aanvrae sal die 2005-uitgawe met die nuwe uitgawe vervang word. ’n Nuwe program wat Watchtower Reader genoem word, sal by Watchtower Library—2006 ingesluit word. Hierdie program is eenvoudiger om te leer en te gebruik, want dit het net een venster en een gewone soekkassie waarin woorde vir navorsing ingetik kan word. Watchtower Reader sal moontlik in meer tale beskikbaar gestel word, en in die toekoms sal ’n uitgebreide weergawe daarvan Watchtower Library word. Ons spoor gebruikers dus aan om met Watchtower Reader vertroud te raak as voorbereiding vir toekomstige vrystellings. Albei programme vereis Windows 98, Millennium, NT, 2000, XP of ’n jonger weergawe.

◼ Aandag lektuurkoördineerders en gemeentelike sekretarisse: Wanneer julle met die takkantoor in verbinding tree in verband met verkeerde lektuurbesendings, moet julle asseblief, indien moontlik, die paklys(te) byderhand hê. As julle na die takkantoor skryf, moet julle asseblief ’n afskrif van die paklys voorsien.

◼ Nuwe veeltalige DVD’s beskikbaar:

Young People Ask—What Will I Do With My Life?—Duits, Engels, Frans, Italiaans, Japannees, Portugees, Russies, Spaans (Op een DVD)