Aankondigings
◼ Lektuuraanbod vir Julie en Augustus: Enige van die volgende brosjures met 32 bladsye: Die Goddelike naam wat vir ewig sal bestaan, Die regering wat die Paradys gaan bring, Die weg na die ewige lewe—Het jy dit gevind?, Gee God werklik vir ons om?, Geeste van die dooies—Kan hulle jou help of jou skaad? Bestaan hulle werklik?, Hou aan waak!, Jy kan vir ewig op die aarde lewe!, Moet jy aan die Drie-eenheid glo? en Wanneer ’n geliefde sterf. September: Wat leer die Bybel werklik? Wend ’n spesiale poging aan om Bybelstudies tydens die eerste besoek te begin. As huisbewoners reeds die boek het, kan jy vir hulle wys hoe hulle daarby baat kan vind deur kortliks ’n Bybelstudie te demonstreer. Oktober: Die Wagtoring en Ontwaak!
◼ Van September af sal kringopsieners die openbare toespraak hou met die tema “Wat bewys dat die Bybel eg is?”
◼ Dit sal goed wees as al die aansoeke om gewone pionierdiens die takkantoor ten minste 30 dae voor die verlangde begindatum bereik. Die gemeentelike sekretaris moet die vorms nagaan om seker te maak dat dit volledig ingevul is. As dié wat aansoek doen, nie hulle presiese doopdatum kan onthou nie, moet hulle die datum skat en ’n aantekening daarvan maak. Die sekretaris moet hierdie datum op die Congregation’s Publisher Record-kaart (S-21) skryf.
◼ Die jaarlikse inventaris van alle lektuur en tydskrifte in voorraad moet op of so na as moontlik aan 31 Augustus 2007 opgestel word. Hierdie inventaris is soortgelyk aan die maandelikse opname deur die lektuurkoördineerder, en die totale moet op die Literature Inventory-vorm (S-18) ingevul word. Maak asseblief seker dat spesiaal aangevraagde items wat deur verkondigers bestel is, aan hulle gegee is voordat die inventaris opgestel word. Die totaal van die tydskrifte in voorraad moet van die tydskrifkneg verkry word. Die sekretaris van die koördinerende gemeente moet die inventaris nagaan. Hy en die presiderende opsiener van die koördinerende gemeente sal die vorm teken. Elke koördinerende gemeente sal drie Literature Inventory-vorms saam met die besending vir Julie/Augustus ontvang. Stuur die oorspronklike vorm asseblief voor of op 6 September na die takkantoor. Hou ’n afskrif vir julle lêers. Die derde vorm kan as ’n werkblad gebruik word.
◼ Let asseblief daarop dat die tweede boek wat met nuwelinge gestudeer moet word, nog steeds die boek Aanbid die enigste ware God is. Verkondigers begin dikwels ’n Bybelstudie in die Vereis-brosjure en gaan dan oor na die Leer Bybel-boek. Om nuwelinge ’n vaste grondslag in die waarheid te gee, beveel ons aan dat ’n tweede boek, Aanbid die enigste ware God, ook gestudeer word, al is die nuweling reeds gedoop.
◼ Nuwe veeltalige DVD’s beskikbaar:
The Bible—A Book of Fact and Prophecy (dvbbl-DVC)—Arabies, Engels, Malgassies, Nederlands, Portugees (Brasiliaans), Portugees (Europees), Spaans (Op een DVD)