Getuig vir “alle soorte mense”
1. Hoe is doeltreffende evangeliedienaars soos bedrewe vakmanne?
1 ’n Bedrewe vakman het baie stukke gereedskap, en hy weet wanneer en hoe om elkeen te gebruik. Net so het ons verskeie hulpmiddels om ons te help om ons werk as evangeliedienaars te doen. Ons het byvoorbeeld brosjures oor ’n wye verskeidenheid onderwerpe tot ons beskikking om ons te help om vir “alle soorte mense” te getuig (1 Kor. 9:22). Die byvoegsel verwys na ’n paar van hierdie brosjures, verduidelik vir wie dit bedoel is en gee wenke oor hoe die brosjures aangebied kan word.
2. Wanneer kan ons brosjures in die bediening gebruik?
2 Wanneer om brosjures te gebruik: ’n Vakman sal ’n stuk gereedskap gebruik wanneer dit ook al nuttig is. Net so kan ons ’n brosjure aanbied wanneer ons dink dat dit vir iemand van nut sal wees en nie slegs tydens maande wanneer dit die lektuuraanbod is nie. Byvoorbeeld, as die Leer Bybel-boek die aanbod is en ons in ’n nie-Christelike land getuig waar mense nie juis in die Bybel belangstel nie, kan dit nuttig wees om ’n gepaste brosjure aan te bied en die Leer Bybel-boek te begin gebruik nadat ons die persoon se belangstelling gekweek het.
3. Waarom moet ons bedrewe raak in die gebruik van ons hulpmiddels vir die bediening?
3 Die Skrif prys diegene wat vaardig is in hulle werk (Spr. 22:29). Daar is eenvoudig nie vandag belangriker werk as “die heilige werk van die goeie nuus” nie (Rom. 15:16). As ons ’n werker wil wees “wat hom oor niks hoef te skaam nie”, moet ons daarna streef om bedrewe te raak in die gebruik van ons hulpmiddels.—2 Tim. 2:15.