Probeer jy sien hoe Jehovah jou gebede beantwoord?

Die Bybel is vol voorbeelde van gebede wat deur Jehovah beantwoord was. Toe God se knegte gesien het hoe Jehovah na hulle persoonlike probleme geluister het en hulle gehelp het, het hulle geloof beslis sterker geword. Daarom is dit goed dat ons spesifiek in ons persoonlike gebede moet wees, en dan moet ons probeer sien hoe Jehovah ons gebede beantwoord. Hou in gedagte dat sy antwoord dalk anders sal wees as wat ons verwag het of dat hy dalk meer sal doen as wat ons gevra het (2Kor 12:7-9; Ef 3:20). Wat sal Jehovah dalk vir ons gee as ’n antwoord op ons gebede?

• Fisiese, emosionele of geestelike krag om ’n probleem te hanteer. – Flp 4:13.

• Wysheid om ’n goeie besluit te maak. – Jak 1:5.

• Die begeerte en die krag om op te tree. – Flp 2:13.

• ’n Gevoel van kalmte wanneer ons angstig is. – Flp 4:6, 7.

• Fisiese of emosionele ondersteuning van ander. – 1Jo 3:17, 18.

• Hulp vir dié vir wie ons bid. – Han 12:5, 11.

KYK NA DIE VIDEO JEHOVAH IS DIE “HOORDER VAN GEBED”, EN BEANTWOORD DAN DIE VOLGENDE VRAE:

• Hoe kan broer Shimizu se ondervinding ons aanmoedig as ons beperk is as gevolg van gesondheidsprobleme?

• Hoe kan ons broer Shimizu se voorbeeld navolg?