Jaarteks vir 2013

In 1473 VHJ het die Israeliete op die punt gestaan om die Beloofde Land binne te gaan, maar hulle moes magtige vyande trotseer. “Wees moedig en baie sterk”, het God Josua beveel. As Josua getrou sou bly, sou hy suksesvol wees. “Moenie sidder of verskrik wees nie”, is daar vir hom gesê, “want Jehovah jou God is met jou waar jy ook al gaan.” En God was wel met hom, want die Israeliete het hulle vyande binne net ses jaar verslaan.—Jos. 1:7-9.

Ware Christene staan op die punt om die beloofde nuwe wêreld binne te gaan, en daarom moet hulle moedig en sterk wees. Soos Josua kom ons voor magtige vyande te staan wat ons ons onkreukbaarheid wil laat prysgee. Die stryd wat ons voer, word nie met spiese en swaarde gevoer nie, maar met geestelike wapens, en Jehovah lei ons op om dit op vaardige wyse te gebruik. Ongeag voor watter situasie jy te staan kom, wees verseker dat Jehovah met jou sal wees en jou die oorwinning sal laat behaal as jy moedig, sterk en getrou is.