Van ons lesers

Jeugselfmoord Ek wil graag vir julle baie dankie sê vir die reeks artikels “Watter hoop is daar vir vandag se jongmense?” (8 September 1998). Dit het my laat huil. Ek het ’n hele paar keer probeer selfmoord pleeg. Maar ek is bly dat ek dit nie reggekry het nie.

A. Z., Tsjeggiese Republiek

Hierdie artikels het goeie begrip van ’n sensitiewe onderwerp getoon. Ek het vroeër vanjaar my lewe probeer beëindig terwyl ek aan kliniese depressie gely het. Dankie vir hierdie tydige onderwerp. Dit het my lewe gered.

R. P., Engeland

Ek het ongelukkig twee klasmaats wat probeer selfmoord pleeg het. Een van hulle het dit gedoen omdat hy gedink het dat die toekoms niks goeds vir hom inhou nie—net probleme wat oorkom moet word. Hierdie artikel was dus prakties, want dit het op ’n baie duidelike en spesifieke manier verduidelik hoe ons toekoms betekenisvol kan wees.

R. D., Spanje

Julle artikel het my diep ontroer. Dit was asof Jehovah soos ’n liefdevolle Vader met my gepraat het. Toe ek klein was, het my pa my mishandel. Ek het gevoel dat ek niks werd was nie en het dikwels daaraan gedink om my lewe te beëindig. Maar nou, soos julle artikel voorgestel het, kweek ek ’n sterk begeerte na “die werklike lewe” aan.—1 Timoteus 6:19.

S. R., Brasilië

Dankie, veral vir die aanhalings van jongmense, waarvan baie in net ’n paar woorde oplossings vir probleme gebied het.

W. H., Duitsland

Om geld te verdien Baie dankie dat julle die moeite gedoen het om die leersame artikel “Jongmense vra . . . Wat kan ek doen om geld te verdien?” (22 Augustus 1998) te publiseer. Ek het gesukkel om werk te kry. Maar ek het julle wenke toegepas en uiteindelik werk gekry!

S. D., Ghana

Gebaretaal Nadat ek julle artikel “’n Taal wat jy sien!” (8 September 1998) gelees het, moes ek net skryf om dankie te sê. Artikels soos hierdie help ons om ander te verstaan wat nie dieselfde omstandighede as ons het nie. Ek het ’n vriendin wat doof gebore is, en ek wou nog altyd gebaretaal aanleer. Maar om die een of ander rede het ek nooit tyd gekry om dit te doen nie. Ek gaan nie meer uitstel om dit te leer nie!

M. E., Engeland

Ek wil julle bedank vir al die moeite wat julle doen om dowes te ondersteun. Ek het ’n paar eksemplare van julle artikel vir regeringsamptenare gegee. Omdat dit so goed geskryf is, het hulle vir nog eksemplare gevra! Ek het dit ook vir ’n vrou gewys wat daarteen gekant was dat haar dowe dogter die Bybel saam met Jehovah se Getuies studeer. Nadat sy die artikel gelees het, het sy van vreugde gehuil. Sy ondersteun nou haar dogter se pogings om Christelike vergaderinge by te woon, en sy het selfs belowe om haar vervoeronkoste na ’n Christenbyeenkoms te dek!

E. R., Mexiko

Ek moes julle net laat weet hoeveel ek die artikel waardeer het. Dit was my doelwit om Amerikaanse Gebaretaal aan te leer en in die plaaslike gebaretaalgemeente van Jehovah se Getuies te help. Maar ek het moedeloos geword. Die artikel het my net die regte aanmoediging gegee wat ek nodig het om my doelwit te bereik!

N. D., Verenigde State

Dit was fassinerend om uit te vind dat Dowes in werklikheid in hulle gebaretaal dink. As iemand wat kan hoor, sal ek oplettender wees om maniere te kry om op ’n positiewe manier met Dowes te kommunikeer.

P. H., Verenigde State