Jy word na die “Ywerige Koninkryksverkondigers”- streekbyeenkoms genooi

IN SUID-AFRIKA alleen gaan 42 streekbyeenkomste gehou word. Die eerste byeenkoms sal van 22-24 November gehou word en die laaste een aan die einde van Desember. Een van hierdie driedaagse byeenkomste—wat gewoonlik van Vrydag tot Sondag duur—sal waarskynlik in ’n stad naby jou gehou word.

Die sessies sal meestal om 9:00 vm. met musiek begin. Op die eerste dag sal die verwelkomingsrede gevolg word deur ’n deel waarin onderhoude met Koninkryksverkondigers gevoer gaan word. Ná die toesprake “Verlustig jou in Jehovah” en “Toon dat julle dankbaar is” sal die oggendsessie afsluit met die programrede “Koninkryksverkondigers met ywer aangevuur”.

Daar sal Vrydag gedurende die middagsessie ’n driedelige simposium wees, naamlik “Miga se profesie versterk ons om in Jehovah se naam te wandel”, sowel as die toesprake “Handhaaf kuisheid deur jou hart te bewaak” en “Waak teen bedrog”. Gedurende die laaste toespraak van die dag, “Aanbid die enigste ware God”, sal uitstekende hulp vir die Christelike bediening voorsien word.

Gedurende Saterdag se oggendsessie sal die driedelige simposium “Koninkryksverkondigers wat hulle bediening verheerlik” gehou word. Dit sal gevolg word deur die bemoedigende toesprake “Waarom ons ‘onophoudelik moet bid’” en “Geestelike gesprekke is opbouend”. Die oggendprogram sal afgesluit word met ’n bespreking van toewyding en doop, waarna individue wat aan die vereistes voldoen, die geleentheid sal hê om gedoop te word.

Saterdagmiddag sal die laaste driedelige simposium van die byeenkoms, “Ons geloof word deur allerhande beproewinge getoets”, gehou word. Die dele sal Christene help om hulle neutraliteit te handhaaf. Saterdag se program sluit af met ’n hoogtepunt van die byeenkoms, die hartroerende toespraak “Kom nader aan Jehovah”.

Sondagoggend se program sal die aandag veral op jongmense vestig en begin met die toesprake “Stel jy jou vertroue in Jehovah?” en “Jongmense—Bou vir die toekoms saam met Jehovah se organisasie”. In laasgenoemde toespraak sal daar 20 minute lank onderhoude gevoer word. Dit sal gevolg word deur ’n gekostumeerde drama oor Jeremia, wat, toe hy as ’n profeet aangestel is, gesê het: “Ek is nog maar net ’n seun” (Jeremia 1:6). Daarna sal ’n toespraak die boodskap van die drama uitlig. Gedurende die middagprogram sal die openbare toespraak, “Die toneel van hierdie wêreld is aan die verander”, gehou word.

Dit sal beslis jou lewe geestelik verryk as jy al drie dae bywoon. Tree gerus met Jehovah se Getuies by die Koninkryksaal in jou omgewing in verbinding of skryf aan die uitgewers van hierdie tydskrif vir inligting oor waar die byeenkoms naaste aan jou gehou sal word.