Lied 119

Hou vas aan “die gelukkige hoop”

(Titus 2:13, NW)

1. Eeue lank tas mense rond in dikke duister.

Al hulle strewes is bloot gejaag na wind.

Sondaars wil glad nie na Gods wette luister;

Min sal die weg na die lewe vind.

(Refrein)

2. Ons is verheug,want ons ken die ware rede

Waarom Jehovah God boosheid so lank duld.

Weldra herstel Jesus Christus die vrede.

Sonde en dood is nie God se skuld.

(Refrein)

3. Daar is vandag goeie nuus wat mense bly maak.

Hul hoef nie langer benoud of bang te wees.

‘God gaan die sugtende skepping weer vrymaak.

’Met hierdie boodskap stil ons hul vrees.

(Refrein)

Hou goeie moed,want die Lam sal ons hoed.

Sy Koninkryk heers en sal boosaards laat boet.

Almal moet nou op Jehovah vertrou

Om hierdie gelukkige hoop te behou.