Les 16

Jou besluit om God te dien

Wat moet jy doen om ’n vriend van God te word? (1, 2)

Hoe wy jy jou aan God toe? (1)

Wanneer moet jy gedoop word? (2)

Hoe kan jy die krag verkry om aan God getrou te bly? (3)

1. Om ’n vriend van God te word, moet jy ’n goeie kennis van Bybelwaarheid opdoen (1 Timoteus 2:3, 4), geloof stel in die dinge wat jy geleer het (Hebreërs 11:6), oor jou sondes berou hê (Handelinge 17:30, 31) en in jou lewenswandel omdraai (Handelinge 3:19). Dan moet jou liefde vir God jou beweeg om jou aan hom toe te wy. Dit beteken dat jy in ’n persoonlike, privaat gebed vir hom sê dat jy jou aan hom gee om sy wil te doen.—Matteus 16:24; 22:37.

2. Nadat jy jou aan God toegewy het, moet jy gedoop word (Matteus 28:19, 20). Doop laat almal weet dat jy jou aan Jehovah toegewy het. Doop is dus net vir diegene wat oud genoeg is om ’n besluit te neem om God te dien. Wanneer iemand gedoop word, moet sy hele liggaam ’n oomblik onder die water gedompel word.a—Markus 1:9, 10; Handelinge 8:36.

3. Nadat jy jou toegewy het, sal Jehovah van jou verwag om jou belofte na te leef (Psalm 50:14; Prediker 5:3, 4). Die Duiwel sal probeer keer dat jy Jehovah dien (1 Petrus 5:8). Maar jy moet deur gebed na aan God kom (Filippense 4:6, 7). Bestudeer sy Woord elke dag (Psalm 1:1-3). Bly na aan die gemeente (Hebreërs 13:17). Deur dit alles te doen, sal jy die krag verkry om aan God getrou te bly. Jy kan dus tot in alle ewigheid die dinge doen wat God van jou vereis!

[Voetnoot]