Jesus “in die land van die Jode”
TOE die apostel Petrus vir Kornelius getuig het, het hy gepraat van wat Jesus ‘in die land van die Jode en in Jerusalem’ gedoen het (Han 10:39). Watter gebiede dink jy is in Jesus se geskiedkundige bediening ingesluit?
“Die land van die Jode” het Judea ingesluit, waar Jesus van God se werk gedoen het (Lu 4:44). Nadat Jesus gedoop is, het hy 40 dae in die wildernis van Juda (of, Judea) deurgebring, ’n taamlike dor en verlate gebied waar rebelle en struikrowers dikwels aangetref is (Lu 10:30). Later het Jesus van Judea af noordwaarts gereis toe hy vir ’n Samaritaanse vrou naby Sigar getuig het.—Joh 4:3-7.
’n Oorsig van die Evangelies toon dat Jesus sy aandag hoofsaaklik op Galilea toegespits het. Hoewel hy vir die jaarlikse feeste suid gegaan het na Jerusalem, het hy die grootste deel van die eerste twee jaar van sy bediening in die noordelike deel van die Beloofde Land deurgebring (Joh 7:2-10; 10:22, 23). Byvoorbeeld, hy het talle merkwaardige leringe uiteengesit en indrukwekkende wonderwerke verrig terwyl hy naby of op die See van Galilea was. Jy sal moontlik onthou dat hy die stormagtige see tot bedaring gebring en selfs daarop geloop het. Hy het uit bote vir skares op die oewers van daardie see gepreek. Sy vroeë, intieme volgelinge het uit vissers- en landbougemeenskappe daar naby gekom.—Mr 3:7-12; 4:35-41; Lu 5:1-11; Joh 6:16-21; 21:1-19.
Die middelpunt van Jesus se bediening in Galilea was die kusdorp Kapernaum, “sy eie stad” (Mt 9:1). Hy was op ’n berghelling ’n kort entjie daarvandaan toe hy sy beroemde Bergpredikasie gegee het. Soms het hy per boot van die omgewing van Kapernaum af na Magadan, Betsaida of nabygeleë plekke gegaan.
Let op dat Jesus se “eie stad” redelik naby was aan Nasaret, waar hy grootgeword het; aan Kana, waar hy water in wyn verander het; aan Nain, waar hy ’n weduwee se seun opgewek het; en aan Betsaida, waar hy op wonderbaarlike wyse 5 000 manne gevoed en ’n blinde man weer laat sien het.
Ná die Pasga van 32 G.J. het Jesus noordwaarts gegaan in die rigting van Tirus en Sidon, Fenisiese hawens. Toe het hy sy bediening uitgebrei na party van die tien gehelleniseerde stede wat die Dekapolis genoem is. Jesus was naby Sesarea-Filippi (F2) toe Petrus hom as die Messias erken het, en die gedaanteverandering het kort daarna plaasgevind, moontlik op die berg Hermon. Later het Jesus in die streek Perea, oorkant die Jordaanrivier, gepreek.—Mr 7:24-37; 8:27–9:2; 10:1; Lu 13:22, 33.
Jesus het sy laaste week op aarde saam met sy dissipels in en om Jerusalem, “die stad van die groot Koning”, deurgebring (Mt 5:35). Jy kan nabygeleë plekke vind waarvan jy in die Evangelies gelees het, soos Emmaus, Betanië, Betfage en Betlehem.—Lu 2:4; 19:29; 24:13; sien “Jerusalem-omgewing”, insetsel op bladsy 18.
[Kaart op bladsy 29]
(Sien publikasie vir oorspronklike teksuitleg)
Beloofde Land (Jesus se tyd)
Die land in Jesus se dag
Stede van die Dekapolis
E5 Hippo(s)
E6 Pella
F5 Skitopolis
F5 Gadara
F7 Gerasa
G5 Dion
G9 Filadelfia
H1 Damaskus
H4 Rafana
I5 Kanata
Hoofweë (Sien publikasie)
Algemene roete tussen Galilea en Jerusalem (Sien publikasie)
Alternatiewe roete tussen Galilea en Jerusalem, deur Perea (Sien publikasie)
A11 Gasa
B6 Sesarea
B8 Joppe
B9 Lidda
B12 Berseba
C4 Ptolemaïs
C8 SAMARIA
C8 Antipatris
C8 Arimatea
C9 Emmaus
C10 JUDEA
C11 Hebron
C12 IDUMEA
D1 Sidon
D2 Tirus
D3 FENISIË
D4 GALILEA
D4 Kana
D5 Sepforis
D5 Nasaret
D5 Nain
D7 Samaria
D7 Sigar
D9 Efraim
D9 Betfage
D9 Jerusalem
D9 Betanië
D10 Betlehem
D10 Herodium
D10 WILDERNIS VAN JUDA
D12 Masada
E4 Gorasin
E4 Betsaida
E4 Kapernaum
E4 Magadan
E5 Tiberias
E5 Hippo(s)
E6 Betanië? (oorkant die Jordaan)
F5 Skitopolis
E6 Pella
E6 Salim
E6 Enon
E9 Jerigo
F1 ABILENE
F2 Sesarea- Filippi
F4 Gamala
F5 Abila?
F5 Gadara
F7 PEREA
F7 Gerasa
G3 ITUREA
G5 Dion
G6 DEKAPOLIS
G9 Filadelfia
H1 Damaskus
H3 TRAGONITIS
H4 Rafana
H12 ARABIË
I5 Kanata
[Berge]
D7 Berg Ebal
D7 Berg Gerisim
F2 Berg Hermon
[Watermassas]
B6 Middellandse See (Groot See)
E4 See van Galilea
E10 Soutsee (Dooie See)
[Riviere]
E7 Jordaanrivier
[Fonteine en putte]
D7 Jakob se fontein
[Prent op bladsy 28]
See van Galilea. Kapernaum is links op die voorgrond. Uitsig is suidwes oor die Vlakte van Gennesaret
[Prent op bladsy 28]
Die Samaritane het op die berg Gerisim aanbid. Die berg Ebal is op die agtergrond