Jerusalem en die Tempel van Salomo

DIT is “die vervolmaking van skoonheid” en “die stad van die Grootse Koning” genoem (Ps 48:2; 50:2; Klg 2:15). Jerusalem was die hoofstad van God se nasie (Ps 76:2). Nadat Dawid die stad van die Jebusiete afgeneem en dit sy hoofstad gemaak het, is dit “die Stad van Dawid” of bloot “Sion” genoem.—2Sa 5:7.

Hoewel Jerusalem nie op ’n baie strategiese plek geleë was nie, het dit roem verwerf omdat God sy naam daar gevestig het (De 26:2). Dit was die godsdienstige en administratiewe sentrum van die nasie.

Jerusalem lê op ’n hoogte van 750 meter bo seespieël in die sentrale berge van Judea. Die Bybel praat van sy “verhewenheid” en van aanbidders wat ‘opgaan’ om dit te bereik (Ps 48:2; 122:3, 4). Die eertydse stad is deur valleie omring: die Hinnomvallei in die weste en suide en die Kidronstroomvallei in die ooste (2Kn 23:10; Jer 31:40). Die Gihonfonteina in die Kidronvallei en En-Rogel na die suide het vars water voorsien, wat veral gedurende vyandelike aanvalle noodsaaklik was.—2Sa 17:17.

Op die diagram op bladsy 21 is die Stad van Dawid in rooi. Gedurende die bewind van Dawid en Salomo het die stad noordwaarts uitgebrei sodat dit Ofel (groen) en die berg Moria (blou) ingesluit het (2Sa 5:7-9; 24:16-25). Op laasgenoemde hoërliggende terrein het Salomo ’n luisterryke tempel vir Jehovah gebou. Stel jou menigtes aanbidders voor wat vir die jaarlikse feeste na “die berg van Jehovah” stroom! (Sag 8:3). Die padnetwerk wat op bladsy 17 voorgestel word, het sulke reise vergemaklik.

Salomo se tempel, wat met goud en edelstene versier is, was een van die duurste geboue wat ooit opgerig is. Dit is betekenisvol dat Jehovah die bouplan daarvoor voorsien het. Soos jy op die prent kan sien, was daar groot voorhowe en administratiewe geboue om die tempel. Dit is die moeite werd om die besonderhede daarvan te bestudeer.—1Kn 6:1–7:51; 1Kr 28:11-19; Heb 9:23, 24.

[Voetnoot]

[Venster op bladsy 21]

Jerusalem het mettertyd na die weste en die noorde uitgebrei. Judese konings ná Salomo het nog mure en poorte gebou. Voortgesette argeologiese navorsing kan moontlik lig werp op presies waar party dele van die mure gebou was en hoe ver dit gestrek het. Die stad is in 607 v.G.J. vernietig en het 70 jaar lank woes gelê. Omtrent 80 jaar nadat die Jode teruggekeer het, het Nehemia met ’n omvattende herbouing van Jerusalem se mure begin.

[Diagram/Prent op bladsy 21]

(Sien publikasie vir oorspronklike teksuitleg)

Jerusalem/Herod se tempel

TEMPELTERREIN IN SALOMO SE TYD

Kenmerke van die tempel

1. Die Allerheiligste

2. Die Heilige

3. Portaal

4. Boas

5. Jagin

6. Koperaltaar

7. Gegote see

8. Waentjies

9. Syvertrekke

10. Eetkamers

11. Binneste voorhof

TEMPELTERREIN

Berg Moria

Eetkamers

Waentjies

Syvertrekke

Die Boas

Allerheiligste Die Heilige Portaal Koperaltaar Binneste

Jagin voorhof

Waentjies Gegote

see

Ofel

Openbare plein?

Waterpoort?

STAD VAN DAWID

Berg Sion

Dawid se paleis

Fonteinpoort

Manasse se muur?

Hananeltoring

Meatoring

Skaappoort

Wagpoort

Inspeksiepoort

Perdepoort

KIDRON VALLEI

Laer muur?

Gihon

Latere watertonnel

TYROPOEONVALLEI

Aspoort (Potskerwepoort) (Mispoort)

En-Rogel

Valleipoort

HINNOMVALLEI

Hoekpoort

Bakoondtoring

Breë Muur

Efraimspoort

Openbare plein

Poort van die Ou Stad

Eerste noordelike muur

TWEEDE STADSDEEL

Vispoort

[Prent]

Ofel

Huis van Farao se dogter

Salomo se paleis

Huis van die Libanonwoud

Pilaarportaal

Troonportaal

Berg Moria

Groot voorhof

Tempel

[Prent op bladsy 20]

Op die voorgrond is waar “die Stad van Dawid” geleë was. Die tempel was op die gelykte (op die agtergrond)

[Prent op bladsy 20]

’n Rekenaarafbeelding van die eertydse “Stad van Dawid” en die tempel van Salomo