Vrees hul nie!

1. Immer voorwaarts, o my knegte,

maak die Koninkryk bekend.

Deins nie t’rug voor dreigement.

Dien lojaal tot aan die end.

My Seun, Jesus, het die Duiwel

in die hemel reeds verslaan.

Weldra sal hy Satan vasbind,

sy gevangenes laat gaan.

2. Selfs al is die vyand talryk,

selfs al sou hul dreig en stry,

Of met soete vleiery

poog om julle te verlei.

Vrees hul nie, my troue stryders,

of die vuur van hulle haat,

Ek bewaar my troue knegte

niemand sal hul ooit kan skaad.

3. Moenie vrees jul is vergete;

ek bly steeds jul krag en lig,

En al sterf jul weens jul plig,

selfs die dood sal voor my swig.

Vrees geen mens wat liggaam doodmaak,

maar die siel nie kan verderf.

Wees getrou tot aan die einde,

dan sal jul die prys verwerf.