STUDIE 1

’n Goeie inleiding

Handelinge 17:22

WAT JY MOET DOEN: Maak seker dat jou inleiding belangstelling wek, die onderwerp identifiseer en wys hoekom die onderwerp belangrik is vir diegene wat na jou luister.

HOE OM DIT TE DOEN:

Wek belangstelling. Kies ’n vraag, ’n stelling, ’n ondervinding of iets in die nuus waarin mense sal belangstel.

Dink voor die tyd aan diegene wat na jou gaan luister. Waarin stel hulle belang en waaroor is hulle bekommerd? Pas dan jou inleiding daarby aan.
Identifiseer jou onderwerp. Jou inleiding moet jou gehoor help om te sien wat die onderwerp en doel van jou aanbieding is.
Wys hoekom die onderwerp belangrik is. Pas jou aanbieding aan volgens die behoeftes van diegene wat na jou luister. Hulle moet duidelik kan sien hoe die onderwerp hulle persoonlik kan help.

Terwyl jy ’n toespraak voorberei, moet jy jou afvra: ‘Watter probleme het die broers en susters in my gemeente?’ Dan moet jy ’n inleiding uitwerk met hulle behoeftes in gedagte.