“Bybelglanspunte” om groter insig te verskaf

TOE die Jode gedurende die sesde eeu v.G.J. uit ballingskap in Babilon teruggekeer het, het verantwoordelike manne onder hulle “by Esra, die skrifgeleerde, vergader om naamlik die woorde van die wet te ondersoek”. Wat was die resultaat van hulle ondersoek en verruimde begrip? Wel, die volk het ’n buitengewone huttefees gehou, “en daar was baie groot blydskap”!​—Nehemia 8:13-18.

Soos daardie voorbeeld so duidelik toelig, kan die ondersoek van die Skrif ’n baie goeie uitwerking op God se volk hê. Om hierdie rede sal Die Wagtoring se nommers van 15 Januarie, 15 Februarie en 15 Maart 1986 ’n rubriek met die titel “Bybelglanspunte” bevat. Hierdie artikels sal ons lesers in staat stel om dieper insig in die Bybelboeke Esra, Nehemia en Ester te verkry.

Hierdie studies sal ons help om weer die opwindende gebeurtenisse rondom die herstel van ware aanbidding in Jerusalem, die bou van Jehovah se tempel aldaar en die redding van God se volk uit die hand van hulle vyande te beleef. Deur hierdie boeke deur te lees, soos in “Bybelglanspunte” aanbeveel word, sal Jehovah se Getuies en hulle metgeselle waarlik groter voordeel kan trek uit die behandeling van dieselfde Skriftuurlike stof in die weeklikse Teokratiese Bedieningskool. Daarbenewens kan broers wat “Glanspunte uit die Skrifgedeelte” op die skoolprogram behartig die rubriek “Bybelglanspunte” baie goed gebruik om Skriftuurlike vrae te beantwoord en lesse vir ons uit te lig.​—Romeine 15:4.

[Tabel op bladsy 7]

Persiese konings wat in Esra, Nehemia en Ester vermeld word

Heerskappy (v.G.J.) Sekulêre naam Bybelnaam Skriftuurplase

c. 550-529 Cyrus die Grote Kores Esra 1:1; 4:5

529-522 Cambyses II Ahasveros Esra 4:6

522(8 maande) Gaumata (Smerdis) Artasasta Esra 4:7-23

521-486 Darius I Darius Esra 4:5, 24; 6:1-15

486-474 Xerxes I Ahasveros Die boek Ester

474-423 Artaxerxes I Artasasta Esra 6:14; 7:1-26;

(Longimanus) Nehemia 2:1-18