‘Hulle praat oor goedheid en liefde’

IN ONLANGSE jare was Jehovah se Getuies in Frankryk die skyf van ’n intense smeerveldtog. Halwe waarhede en verkeerde inligting is deur hulle teenstanders versprei om die publiek ’n verwronge beeld van hulle te gee. Aan die begin van 1999 het Jehovah se Getuies oral in Frankryk 12 miljoen eksemplare uitgegee van ’n traktaat met die titel Mense van Frankryk, julle word mislei! In hierdie traktaat het hulle die lasterlike aantygings wat teen hulle gemaak is, aan die kaak gestel.

’n Paar dae ná die kampanje het mnr. Jean Bonhomme, ’n dokter en voormalige parlementslid, ’n ope brief aan ’n plaaslike koerant gestuur. Hy het geskryf: “Jehovah se Getuies kom van tyd tot tyd na my huis. Hulle kom om met my te praat oor goedheid en universele liefde. . . . Hulle dring hulle nie aan ’n mens op nie. Hulle praat op ’n kalm manier en luister vriendelik na my skeptisisme.”

Mnr. Bonhomme het aangaande die geestelike standpunt van Jehovah se Getuies gesê: “Die feit dat hulle polities naïef is, kan in hulle geval beslis nie skade aanrig nie. Aan die ander kant is die naïwiteit van sekere politici ’n baie groter bedreiging vir die vrede van burgers en die harmonie van die gemeenskap.”