“Sal mense die aarde verderf?”

● Vanuit die buitenste ruimte lyk die planeet Aarde soos ’n pragtige blou-en-wit juweel. Maar by nadere ondersoek sien ons dat ons tuiste in die moeilikheid is. Waarom? Die antwoord is eenvoudig: Die mensdom het glad nie na die aarde omgesien nie. Wat meer is, hulle verderf die aarde nie net letterlik deur besoedeling, ontbossing en oorontginning nie, maar ook sedelik en geestelik deur middel van geweld, bloedvergieting en geslagsonsedelikheid.

Hierdie droewige stand van sake is sowat tweeduisend jaar gelede in merkwaardige profesieë in die Bybel voorspel (2 Timoteus 3:1-5; Openbaring 11:18). Die Bybel het ook voorspel dat God—en geen mens nie—sake heeltemal sal regstel. Hierdie belangrike onderwerpe sal bespreek word in die openbare toespraak “Sal mense die aarde verderf?” Die toespraak sal gehou word by die “Laat God se Koninkryk kom!”-streekbyeenkomste van Jehovah se Getuies, wat regoor die wêreld gehou sal word en in September in Suid-Afrika sal begin.

Jy word hartlik genooi om die byeenkoms naaste aan jou by te woon. Tree gerus in verbinding met Jehovah se Getuies in jou omgewing vir spesifieke besonderhede, of skryf aan die uitgewers van hierdie tydskrif. ’n Lys van plekke waar streekbyeenkomste regoor die wêreld gehou sal word, kan op die webwerf www.pr2711.com gevind word.