WAT SÊ DIE BYBEL?
Wat gebeur wanneer ons sterf?
PARTY MENSE GLO dat ons in ’n ander vorm voortlewe, terwyl ander meen dat die dood die einde van alles is. Wat glo jy?
WAT DIE BYBEL SÊ
“Die dooies . . . is bewus van hoegenaamd niks . . . nie” (Prediker 9:5). Wanneer ons sterf, bestaan ons nie meer nie.
WAT ONS NOG UIT DIE BYBEL LEER
Die eerste man, Adam, het weer stof geword toe hy gesterf het (Genesis 2:7; 3:19). Soos hy, keer almal wat sterf, na die stof terug.—Prediker 3:19, 20.
Mense wat sterf, word van hulle sondes vrygespreek (Romeine 6:7). Daar is geen verdere straf vir sonde nadat ’n persoon gesterf het nie.
Kan die dooies weer lewe?
WAT SOU JY SÊ?
Ja
Nee
Miskien
WAT DIE BYBEL SÊ
“Daar [sal] ’n opstanding . . . wees.”—Handelinge 24:15.
WAT KAN ONS NOG UIT DIE BYBEL LEER?
In die Bybel word die dood baie keer met slaap vergelyk (Johannes 11:11-14). God kan die dooies wakker maak, net soos ons iemand wat slaap, wakker kan maak.—Job 14:13-15.
In die Bybel is daar ’n hele paar verslae oor opstandings. Ons het dus ’n stewige grondslag om te glo dat die dooies opgewek sal word.—1 Konings 17:17-24; Lukas 7:11-17; Johannes 11:39-44.