“Ek en my huis ... ”
1 “Ek en my huis, ons sal die Here dien” (Jos. 24:14,15). Sulke vasbeslotenheid aan die kant van Josua en ander gesinshoofde was absoluut noodsaaklik vir Israeliet gesinne om die druk op ware aanbidding in die land Kanaän te weerstaan. Ons moet vandag eweneens ons standpunt ten opsigte van ware aanbidding onwrikbaar handhaaf sodat ons onsself en ons gesin kan versterk om die onheilsame invloede van die stelsel wat ons omring te weerstaan.
2 Dit is die Godgegewe verantwoordelikheid van gesinshoofde om vir hulle huisgesinne te sorg (1 Tim. 5:8). Dit geld nie net vir materiële dinge nie, maar veel meer in ’n geestelike sin! Gesinshoofde, het julle ’n goeie program van gesinsaanbidding, wat praktiese Bybelonderrigting insluit, en neem julle die leiding in julle gesin wat die veldbediening betref?
GESINSBYBELBESPREKINGS
3 Sal dit nie, aangesien Jehovah se goedertierenhede “elke môre nuut” is, gepas wees as die hele gesin elke dag daaraan dink nie? (Klaagl. 3:22, 23). Die bespreking van die dagteks uit Ondersoek die Skrif elke dag is ’n uitstekende manier om dit te doen. —Kyk wenke in die voorwoord van die 1987-uitgawe.
4 Talle teokratiese gesinne het, buiten die daaglikse teksbespreking, ’n gereelde tyd vir gesinstudie en -aanbidding (Deut. 4:9; 6:1, 2). Om hiermee te help, het die Genootskap se publikasies bemoediging en wenke voorsien wat elke gesinshoof gerus kan opvolg.—Kyk toAF86 1/11 bl. 24; Skoolhandleiding bl. 36-38; kmAF 9/79 bl. 11.
GESINSVELDDIENS
5 Aangesien die veldbediening ’n belangrike aspek van ons aanbidding is, moet die gesin saam hieraan deelneem (Hebr. 13:15). Gesinshoofde kan baie doen om gesinseenheid te bevorder en geestelike krag op te bou deur saam met elke lid van die gesin in die velddiens te werk (Spr. 22:6). Oktober is ’n puik geleentheid hiervoor, aangesien ons ’n jaarintekening op Ontwaak! of Die Wagtoring, of albei, teen R9,00 elk sal aanbied.
6 Soms verkies ouers dit om self die inleiding by die deur te doen, waarna hulle die kind toelaat om ’n teks te lees of eenvoudig die tydskrifte te toon en ’n intekening aan te bied. As die intekening van die hand gewys word, kan afsonderlike nommers teen 40c elk aangebied word. Moenie kinders se vermoë in die bediening onderskat nie! Huisbewoners word dikwels beïndruk deur jongmense wat hulle goed by die deure kan uitdruk. —Matt. 21:16.
7 Is jy, soos Josua, vasbeslote dat jy en jou huisgesin Jehovah getrou sal dien? Bid om Jehovah se leiding terwyl jy die wenke hierbo toepas. Hy sal jou vasbeslote pogings om hom getrou te dien seën.