Kan ons die Skepper-Boek aanbied?

Ons was almal verheug om die boek Is daar ’n Skepper wat vir jou omgee? te ontvang. Dit is ’n boek wat spesiaal saamgestel is vir diegene wat moontlik op ’n sekulêre gebied ’n goeie opvoeding het, maar nie aan God glo nie. Hierdie boek voorsien in ’n immer toenemende behoefte.

Om praktiese redes is die maandelikse lektuuraanbod gewoonlik publikasies wat by meer mense byval sal vind. Beteken dit dat ons nie die Skepper-boek moet aanbied vir diegene wat daarby baat sal vind nie? Glad nie! Hierdie boek kan enige tyd regdeur die jaar aangebied word vir individue wat nie aan God glo nie en wat daarby baat kan vind. Dit kan ook vir mense aangebied word wat aan God glo, maar wat nie werklik ’n begrip het van wie hy is of wat sy eienskappe of voornemens is nie. Jy word dus aangemoedig om ’n eksemplaar in jou velddienssak te hou en gereed te wees om dit vir enigeen aan te bied wat jy dink daarin belang sal stel om dit te lees.