Vraebus

◼ Moet die gemeente ’n kaart van hulle hele gebied in die Koninkryksaal hê?

Ja, ’n geraamde kaart van hulle hele gebied moet teen ’n muur in die Koninkryksaal vasgesit word. Moenie die kaart op die kennisgewingbord aanbring nie. Die buitenste grense van die gemeente se toegewese gebied moet daarop aangedui word, asook die grense van elke individuele gebied met sy toegewese nommer. Die gebiedsgrense van al die gemeentes wat dieselfde Koninkryksaal gebruik, moet daarop aangebring word. Dit sal verkondigers en nuwe belangstellendes help om vas te stel in watter gemeente se gebied hulle woon. As Gemeentelike Boekstudies op die kaart aangebring word, sal dit almal ook help om te bepaal waar hulle boekstudie is. Die kaart moet gereeld bygewerk word.

So ’n kaart sal alle verkondigers daaraan herinner dat dit goed is om, indien moontlik, ’n persoonlike gebiedstoewysing te hê. Die kaart sal ook van nut wees vir diegene wat graag ’n gebied naby hulle huis wil kies. Soms kan dit tyd bespaar by velddiensvergaderinge en dit vir die broer wat die leiding neem moontlik maak om elke groep verkondigers vinnig na die gebied te rig waarin hulle moet gaan werk.

Die kaart getuig ook daarvan dat die gemeente georganiseerd is om die Koninkryksboodskap deeglik in sy toegewese gebied te verkondig.—Luk. 9:6.