Hoe goed is jou geestelike eetgewoontes?
1 Daar is al gesê dat ‘ons is wat ons eet’. Ja, ons eetgewoontes het ’n uitwerking op ons fisiese krag en gesondheid. Aangesien Jesus gesê het: “Die mens moet nie van brood alleen lewe nie, maar van elke uiting wat deur Jehovah se mond uitgaan”, het ons geestelike eetgewoontes ’n goeie of slegte uitwerking op ons (Matt. 4:4). Hoe goed is jou geestelike eetgewoontes dus? Is jy uitsoekerig? Eet jy in die verbygaan? Of skep jy behae daarin om die tyd te neem om gereelde, gebalanseerde en voedsame geestelike maaltye te geniet?
2 Ontleed jou dieet: Jehovah voorsien “voedsel op die regte tyd” en “’n maaltyd van vetspyse” deur middel van “die getroue en verstandige slaaf” (Matt. 24:45; Jes. 25:6). Om ten volle by hierdie liefdevolle voorsienings baat te vind, moet ons ons daarop toelê om goeie geestelike eetgewoontes te hê.
3 Jy kan jou afvra: ‘Lees ek elke dag die dagteks en kommentaar? Lees ek die Bybel daagliks en peins ek daaroor? Berei ek vir gemeentelike vergaderinge voor deur die materiaal voor die tyd te bestudeer? Het ek ons jongste publikasies deurgelees, insluitende Jesaja se profesie—Lig vir die hele mensdom I?’
4 Jesus het belowe: “Gelukkig is dié wat bewus is van hulle geestelike behoefte . . . Gelukkig is dié wat honger en dors na regverdigheid, want hulle sal versadig word” (Matt. 5:3, 6). Ontwikkel dus goeie eetgewoontes deur jou verstand en hart met die kennis van God te vul.