Wat ons oor die tydskrifte kan sê

Wagtoring 15 Okt.

“Wat sou nodig wees om die wêreld ’n beter, gelukkiger plek te maak? [Wag vir ’n antwoord.] Die mens het die een soort regering na die ander probeer om sake te verbeter. Maar let op wat God se beskouing hieroor is. [Lees Jeremia 10:23.] Hierdie artikel verduidelik wat ‘Die sleutel tot ’n gelukkige wêreld’ is en toon hoe dit binnekort verwesenlik gaan word.”

Ontwaak! 22 Okt.

“Sou jy saamstem dat dit lyk of mense vandag onder meer druk lewe as ooit tevore? [Wag vir ’n antwoord.] Die Bybel het dit voorspel. [Lees 2 Timoteus 3:1.] Baie mense vind die lewe so moeilik dat hulle moed opgee. Hierdie tydskrif gee ware aanmoediging. Dit toon hoe ’n mens wanhoop die hoof kan bied en die lewe die moeite werd kan maak.”

Wagtoring 1 Nov.

Nadat jy ’n ontstellende nuusberig gemeld het, kan jy vra: “Waarom doen mense sulke goddelose dinge? Ons behoort almal tussen reg en verkeerd te kan onderskei, en tog doen mense nog steeds slegte dinge. Waarom? [Wag vir ’n antwoord en lees dan Openbaring 12:9.] Hierdie tydskrif verduidelik hoe ons ons kan beskerm deur ons gewete te beskerm.”

Ontwaak! 8 Nov.

“Jy sal waarskynlik saamstem dat ons in gewelddadige tye lewe. [Wag vir ’n antwoord en lees dan 2 Timoteus 3:3.] Dikwels vind ‘wreedaardige’ dade selfs in die gesinskring plaas. Hierdie artikel, ‘Hulp vir mishandelde vroue’, gee ’n boodskap van hoop. Jy weet dalk van iemand vir wie jy dit wil wys.”