Wat ons oor die tydskrifte kan sê

Wagtoring 15 Feb.

“Party mense wonder of ons God persoonlik kan leer ken. Ander sê hy bestaan, maar voel dat hy ver van hulle af is. Het jy dit al gehoor? [Wag vir ’n antwoord.] Let op waarom dit so belangrik is dat ons God persoonlik leer ken. [Lees Johannes 17:3.] Die eerste artikels in dié tydskrif handel hieroor. Ek is seker jy sal dit interessant vind.”

Ontwaak! 22 Feb.

“Dink jy God wou hê dat mense, insluitende kinders, weens ondervoeding moet ly? [Wag vir ’n antwoord.] Let op hierdie vertroostende belofte in die Bybel. [Lees Psalm 72:16.] Hierdie nommer van die Ontwaak! bespreek die oorsake van ondervoeding en, nog belangriker, God se belofte om spoedig ’n einde daaraan te maak.”

Wagtoring 1 Mrt.

“Ons wil graag jou mening hê oor hierdie interessante Bybelvers. [Lees Matteus 5:10.] Hoe kan ’n mens gelukkig wees wanneer jy vervolg word? [Wag vir ’n antwoord.] Die eerste twee artikels in hierdie tydskrif vertel van party wat ten spyte van lyding gelukkig gebly het. Jy sal dit interessant vind om te lees hoe hulle dit gedoen het.”

Ontwaak! 8 Mrt.

“Stem jy nie saam nie dat ons ondanks probleme in die lewe nog steeds rede het om dankbaar te wees? [Wag vir ’n antwoord.] Iets waaroor ons dankbaar kan wees, is die wyse waarop ons gemaak is. [Lees Psalm 139:14.] Hoe wonderlik is dit tog om die sintuie te hê wat dit moontlik maak om die lewe te geniet, soos hierdie Ontwaak! toon!”