Wat ons oor die tydskrifte kan sê

Wagtoring 15 Okt.

“Baie besluite waarvoor ons te staan kom, het verreikende gevolge in ons lewe. Wat kan ons help om nie onwyse besluite te neem nie? [Wag vir ’n antwoord. Lees dan Spreuke 3:6.] Hierdie Wagtoring gee vyf Bybelse riglyne wat ons kan help om wyse besluite te neem.”

Ontwaak! 22 Okt.

“Het jy agtergekom dat ons al hoe meer hoor van kieme wat bestand is teen geneesmiddels? [Wag vir ’n antwoord.] Hierdie tydskrif ondersoek die redes hiervoor en gee wenke wat ons kan help om onsself te beskerm. Dit bespreek ook die Bybel se belofte van ’n wêreld waarin niemand siek sal wees nie.” Lees Jesaja 33:24.

Wagtoring 1 Nov.

“Ons almal se vertroue is al die een of ander tyd geskend. Het jy jou al ooit afgevra: ‘Is daar enigeen wat ek kan vertrou?’ [Wag vir ’n antwoord. Lees dan Spreuke 3:5.] Hierdie tydskrif verduidelik waarom ons ons volle vertroue in God kan stel. Dit bespreek ook hoe ons kan bepaal wie ons vertroue waardig is.”

Ontwaak! 8 Nov.

“Produkte wat van petroleum gemaak word, speel ’n rol in feitlik elke aspek van ons lewe. Het jy al ooit gewonder hoe die lewe daarsonder sou wees? [Wag vir ’n antwoord.] Hierdie tydskrif bespreek hoe dit gebeur het dat olie so ’n belangrike rol in die moderne samelewing begin speel het. Dit verduidelik ook waarom ons nie bang hoef te wees dat olie eendag sal opraak nie.”