Wat ons oor die tydskrifte kan sê

Wagtoring 15 Sept.

Noem ’n onlangse gebeurtenis in die nuus wat plaaslik van belang is. Vra dan: “Dink jy dat hierdie Bybelvers die tye waarin ons lewe, akkuraat beskryf? [Lees 2 Timoteus 3:1 en wag vir ’n antwoord.] Hierdie artikel ondersoek die bewyse dat ons in die laaste dae lewe en toon wat ons moet doen.”

Ontwaak! Sept.

“Baie mense meen dat ons geskep is. Ander meen dat ons geëvolueer het. Wat dink jy? [Wag vir ’n antwoord.] Kyk na hierdie gedagte wat ons sal help om tot die regte gevolgtrekking te kom. [Lees Job 12:7, 8.] Hierdie spesiale uitgawe van die Ontwaak! bespreek wat ons kan leer uit die wysheid en ontwerp wat duidelik in die natuur gesien kan word.”

Wagtoring 1 Okt.

“Bioloë probeer om siekte uit die weg te ruim en ons langer te laat lewe. Dink jy dat dit eendag moontlik sal wees om vir ewig te lewe? [Wag vir ’n antwoord.] Let op die rede waarom ons daarna smag om langer te lewe. [Lees Prediker 3:11.] Hierdie tydskrif verduidelik waarom God ons geskep het met die begeerte om vir ewig te lewe.”

Ontwaak! Okt.

“So te sê almal geniet dit om televisie te kyk. Maar dink jy dat ons selektief moet wees in ons keuse van waarna ons kyk? [Wag vir ’n antwoord. Lees dan Spreuke 13:20.] Hierdie tydskrif bespreek watter uitwerking televisie op ons het en gee wenke oor hoe ons ons TV-kykery kan beheer.”