Help hulle om ‘in die geloof standvastig gemaak te word’

Dit is opwindend om te sien hoe Jehovah die insamelingswerk seën, met meer as ’n kwartmiljoen mense wat elke jaar gedoop word (Deut. 28:2). Verkondigers is geneig om, nadat hulle ’n student gehelp het om tot doop te vorder, die studie te staak en hulle daarop toe te spits om ander te help. Studente is moontlik ook geneig om die studie te staak sodat hulle meer tyd aan die bediening kan bestee. Maar dit is belangrik dat Bybelstudente ’n goeie grondslag in die waarheid moet hê. Hulle moet in Christus “gewortel” wees en “in die geloof standvastig gemaak word” (Kol. 2:6, 7; 2 Tim. 3:12). Nadat ’n student gedoop word, moet hy dus voortgaan met sy Bybelstudie totdat hy die Leer Bybel-boek sowel as die God se liefde-boek voltooi het.—Sien Ons Koninkryksbediening vir April 2011, bladsy 2.