“Hierdie woorde . . . moet in jou hart wees”

Ouers is soos herders. Hulle moet goed omsien na hulle kinders, wat maklik kan afdwaal en kwesbaar kan word vir aanvalle (Spr. 27:23). Hoe kan ouers hierdie rol vervul? Hulle moet elke dag met hulle kinders kommunikeer sodat hulle kan weet wat in hulle verstand en hart is (Spr. 20:5). Ouers moet ook met vuurvaste materiaal bou om hulle kinders se geloof te versterk (1 Kor. 3:10-15). Die video “Hierdie woorde . . . moet in jou hart wees” beklemtoon die belangrikheid van gereelde gesinsaanbidding. Kyk as ’n gesin saam daarna en bespreek dan die volgende vrae.

(1) Wat het daartoe gelei dat die Roman-gesin hulle geestelike fokus verloor het? (2) Waarom was broer Roman se eerste poging om gesinsaanbidding te hou, onsuksesvol? (3) Watter skriftuurlike raad gee ouers die beste kans op sukses wanneer dit kom by die grootmaak van kinders? (Deut. 6:6, 7). (4) Wat kan ’n gesin help om beter te kommunikeer? (5) Watter soort opofferings moet ouers vir hulle kinders maak? (6) Hoe het broer en suster Barrow ’n positiewe uitwerking op die Roman-gesin gehad? (Spr. 27:17). (7) Watter voorbereidings moet ’n gesinshoof tref om te verseker dat hulle gesinsaanbidding suksesvol sal wees? (8) Wat het broer Roman gedoen om die situasie in sy gesin te verbeter? (9) Waarom is dit noodsaaklik dat gesinsaanbidding gereeld gehou moet word? (Ef. 6:4). (10) Wat is ’n paar praktiese idees vir gesinsaanbidding? (11) Hoe het broer Roman kalm maar ferm opgetree toe hy Marcus gehelp het om te besef hoe belangrik dit is om te doen wat reg is? (Jer. 17:9). (12) Hoe het broer en suster Roman met Rebecca geredeneer om haar te help om die regte besluit te neem aangaande haar verhouding met Justin? (Mark. 12:30; 2 Tim. 2:22). (13) Hoe het broer en suster Roman geloof geopenbaar toe hulle aanpassings in hulle lewe gemaak het? (Matt. 6:33). (14) Hoe beklemtoon hierdie video die belangrikheid daarvan dat gesinshoofde in hulle gesin se geestelike behoeftes moet voorsien? (1 Tim. 5:8). (15) Wat is jy vasbeslote om as ’n gesinshoof te doen?

’N WOORDJIE AAN GESINSHOOFDE: Hierdie hedendaagse drama is by die streekbyeenkomste in 2011 opgevoer. Het dit jou destyds laat besef dat jy jou gesinsaanbidding moet verbeter? En wat van nou? As jy verdere aanpassings moet maak, doen dit asseblief biddend tot die ewige voordeel van jou gesin.—Ef. 5:15-17.