Wagtoring – AANLYN BIBLIOTEEK

AANLYN BIBLIOTEEK

mwb16 April bl. 3
Moedig ander aan en versterk hulle met vriendelike woorde

Ons Christelike lewe en bediening — Vergaderingwerkboek — 2016

mwb16 April bl. 3

SKATTE UIT GOD SE WOORD | JOB 16-20

Moedig ander aan en versterk hulle met vriendelike woorde

’n Raadgewer se woorde moet ander versterk

Job was depressief en het benoudheid ervaar, en daarom het hy ondersteuning en aanmoediging van ander nodig gehad
Job se drie metgeselle het niks gesê om hom te vertroos nie. Hulle het eerder aantygings teen hom gemaak en tot sy angstigheid bygedra

Bildad se onvriendelike woorde het Job in benoudheid laat uitroep

Job het God gesmeek om hom tog net te help. Selfs die dood sou verligting bied
Job het die opstandingshoop duidelik in gedagte gehou en het getrou volhard

Elifas praat met Job terwyl Bildad en Sofar toekyk

JOB SE AANKLAERS

Elifas:

Moontlik van Teman in die land Edom. Jeremia 49:7 praat van Teman as ’n sentrum van Edomitiese wysheid
Elifas, waarskynlik die oudste en invloedrykste van die “vertroosters”, het eerste gepraat. Hy het drie redevoerings gehou en het ook langer as die ander twee gepraat

Valse aantygings:

Het neerhalend gepraat van Job se onkreukbaarheid en gesê dat God geen vertroue in sy knegte het nie (Job 4, 5)
Het gesê dat Job verwaand en goddeloos is en dat hy God nie vrees nie (Job 15)
Het Job van gierigheid en ongeregtigheid beskuldig en gesê dat die mens vir God niks werd is nie (Job 22)

Bildad:

’n Nakomeling van Suag. Hy het moontlik langs die Eufraatrivier gewoon
Hy het tweede gepraat. Sy drie redevoerings was korter maar bitsiger as Elifas s’n

Valse aantygings:

Het te kenne gegee dat Job se seuns gesondig het en hulle verdiende loën gekry het. Hy het ook geïnsinueer dat Job self goddeloos is (Job 8)
Het te kenne gegee dat Job ’n sondaar is (Job 18)
Het gesê dat die mens se onkreukbaarheid tevergeefs is (Job 25)

Sofar:

’n Naämatiet, moontlik van Noordwes-Arabië
Hy het derde gepraat en was die venynigste aanklaer. Hy het net twee redevoerings gehou

Valse aantygings:

Het Job van leë praatjies beskuldig en vir hom gesê om sy goddelose gebruike te laat staan (Job 11)
Het te kenne gegee dat Job goddeloos is en sonde geniet (Job 20)