Jehovah is lief vir skoon mense

“Was jou hande. Maak jou kamer skoon. Vee die vloer. Gooi die vullis weg.” Baie ouers leer hulle kinders hoe om fisies skoon te bly. Maar die beginsels oor reinheid kom eintlik van ons heilige God af (Eks 30:18-20; De 23:14; 2Kor 7:1). Wanneer ons ons liggaam en besittings skoon hou, eer ons Jehovah (1Pe 1:14-16). Wat van ons huis en omgewing? Anders as mense wat rommel op paaie en in parke gooi, probeer Christene hulle bes om die aarde skoon te hou (Ps 115:16; Op 11:18). Selfs die klein dingetjies, soos hoe ons ontslae raak van lekkergoedpapiertjies, koeldrankblikkies of kougom, kan iets sê oor hoe ons reinheid beskou. In elke aspek van die lewe wil ons ons as ‘God se bedienaars aanbeveel’. – 2Kor 6:3, 4.

KYK NA DIE VIDEO GOD IS LIEF VIR SKOON MENSE, EN BEANTWOORD DAN DIE VOLGENDE VRAE:

• Watter verskonings maak sommige mense oor hoekom hulle nie hulle besittings skoon hou nie?

• Hoe help die Wet van Moses ons om te sien hoe Jehovah reinheid beskou?

• Hoe kan ons Jehovah eer sonder om ’n woord te sê?