Staan vas terwyl die einde al hoe nader kom

HOEKOM DIT BELANGRIK IS: Binnekort gaan ontsagwekkende dinge gebeur wat ons moed en vertroue in Jehovah sal toets soos nog nooit tevore nie. Die groot verdrukking sal begin met die vernietiging van valse godsdiens (Mt 24:21; Op 17:16, 17). Gedurende daardie deurmekaar tyd gaan ons heel moontlik ’n kragtige oordeelsboodskap verkondig (Op 16:21). Ons sal deur Gog van Magog aangeval word (Ese 38:10-12, 14-16). Om sy volk te verdedig, gaan Jehovah “die oorlog van die groot dag van God die Almagtige” begin (Op 16:14, 16). Om ons moed te versterk vir hierdie dinge wat in die toekoms gaan gebeur, moet ons nou al vasstaan wanneer ons geloof getoets word.

HOE OM DIT TE DOEN:

• Bly moedig by Jehovah se hoë sedelike standaarde. – Jes 5:20

• Hou aan om saam met broers en susters te aanbid. – Heb 10:24, 25

• Wees gou om die riglyne van Jehovah se organisasie te gehoorsaam. – Heb 13:17

• Dink na oor hoe Jehovah sy volk in die verlede gered het. – 2Pe 2:9

• Bid tot Jehovah en vertrou op hom. – Ps 112:7, 8

KYK NA DIE DRAMATISERING DINGE WAT IN DIE TOEKOMS GAAN GEBEUR WAARVOOR ONS MOED NODIG GAAN HÊ – UITTREKSEL, EN BEANTWOORD DAN DIE VOLGENDE VRAE:

• 

  Hoe is verkondigers se gehoorsaamheid getoets toe hulle gemeente met ander gemeentes saamgesmelt het?

• 

  Hoe kan ons ons moed opbou deur gehoorsaam te wees?

• 

  Hoekom sal ons moedig moet wees wanneer Armageddon kom?

• 

  Watter Bybelverslag kan ons help om ons geloof te versterk dat Jehovah die krag het om ons te red? – 2Kr 20:1-24