DIE CHRISTELIKE LEWENSWYSE
Jehovah help ons deur moeilike tye
Gedurende hierdie laaste dae ondervind ons baie moeilike tye. Soms voel ons dat ons probleme te moeilik is om te hanteer. Maar as ons aanhou om nader aan Jehovah te kom, sal hy ons help om selfs deur die ergste probleme te volhard (Jes 43:2, 4). Hoe kan ons nader aan Jehovah kom wanneer ons deur moeilike tye gaan?
Gebed. Wanneer ons ons hart voor Jehovah uitstort, gee hy ons die vrede en emosionele krag om te volhard. – Flp 4:6, 7; 1Te 5:17.
Vergaderinge. Nou meer as ooit tevore het ons die geestelike kos en assosiasie nodig wat Jehovah by ons vergaderinge voorsien (Heb 10:24, 25). Wanneer ons vir ons gemeentelike vergaderinge voorberei, dit bywoon en daaraan deelneem, maak ons ten volle gebruik van die hulp van Jehovah se gees. – Op 2:29.
Bediening. Ons sal dit makliker vind om op positiewe dinge te fokus as ons alles doen wat ons kan om aktief in die bediening te bly. Ons sal ook ons vriendskappe versterk met Jehovah en ons medewerkers. – 1Kor 3:5-10.
KYK NA DIE VIDEO JEHOVAH SAL JOU INNEEM, EN BEANTWOORD DAN DIE VOLGENDE VRAE:
Wat het Malu gehelp om gedurende haar probleme na aan Jehovah te bly?
Soos Malu, hoe kan die woorde in Psalm 34:18 ons gedurende ons probleme vertroos?
Hoe wys Malu se ondervinding ons dat Jehovah ons “die krag wat bo die normale is,” sal gee wanneer ons deur moeilike tye gaan? – 2Kor 4:7.