Voetnoot
a Die woorde bitumen, asfalt, teer en pik word dikwels uitruilbaar gebruik. Maar bitumen is ’n algemene benaming vir ’n klas donker, swaar koolwaterstofverbindings wat in teer, pik en petroleum voorkom. Teer is ’n donker klewerige stof wat as ’n kondensaat uit die afbrekende distillasie van stowwe soos hout, steenkool en turf verkry word. Die verdere verdamping van teer lewer pik as ’n halfvaste residu. Daar is betreklik min bitumen in teer en pik.
Wanneer petroleum, of ruolie, verdamp het, bly ’n residu agter wat feitlik net uit bitumen bestaan. Bitumen wat van petroleum verkry word, word ook asfalt genoem. Maar op baie plekke verwys “asfalt” na ’n mengsel van bitumen en mineraalaggregate soos sand of gruis, wat dikwels in padbou gebruik word. In hierdie artikel verwys “asfalt” na of die ongeraffineerde of die geraffineerde produk van Pitch Lake.