Voetnoot

b ’n Ander wet wat ook op hierdie saak van toepassing kan wees, het bepaal dat geen man wie se geslagsdele ernstig beskadig is in God se vergadering kon inkom nie (Deuteronomium 23:1). Insight on the Scriptures sê egter dat dit klaarblyklik “verband gehou het met opsetlike ontmanning vir onsedelike doeleindes, soos homoseksualiteit”. Daardie wet was derhalwe nie op kastrasie of die ekwivalent vir geboortebeperking van toepassing nie. Insight sê ook: “Jehovah het die vertroostende voorspelling gemaak dat die tyd sou aanbreek wanneer hy eunugs as sy knegte sou aanvaar en hulle ’n naam beter as seuns en dogters sou hê as hulle gehoorsaam was. Met die afskaffing van die Wet deur Jesus Christus kon alle mense wat geloof beoefen, ongeag hulle vorige status of toestand, geestelike seuns van God word. Daar is met vleeslike onderskeide weggedoen.—Jes 56:4, 5; Joh 1:12.”