Die Bybel se boodskap

Jehovah skep Adam en Eva met die vooruitsig op ewige lewe in die Paradys. Satan belaster God se naam en bevraagteken Sy reg om te regeer. Adam en Eva sluit by Satan aan in sy opstand en bring sonde en die dood oor hulle en hulle nakomelinge

Jehovah vonnis die opstandelinge en belowe dat ’n Verlosser, of Saad, sal opstaan wat Satan sal verbrysel en al die gevolge van opstand en sonde ongedaan sal maak

Jehovah belowe Abraham en Dawid dat hulle voorvaders sal wees van die Saad, of Messias, wat vir ewig as Koning sal heers

Jehovah inspireer profete om te voorspel dat die Messias ’n oplossing vir sonde en die dood sal voorsien. Saam met medeheersers sal hy as Koning van God se Koninkryk heers, wat ’n einde aan oorloë, siekte en selfs die dood sal maak

Jehovah stuur sy Seun aarde toe en identifiseer Jesus as die Messias. Jesus verkondig God se Koninkryk en gee sy lewe as ’n offerande. Jehovah wek hom dan as ’n gees op

Jehovah kroon sy Seun as Koning in die hemel, wat die begin van die laaste dae van hierdie stelsel van dinge aandui. Jesus rig sy aardse volgelinge terwyl hulle God se Koninkryk aardwyd verkondig

Jehovah gee sy Seun die opdrag om Koninkryksheerskappy na die aarde uit te brei. Die Koninkryk verbrysel alle goddelose regerings, bring die Paradys tot stand en bring getroue mense tot volmaaktheid. Jehovah se reg om te regeer, word geregverdig, en sy naam word tot in alle ewigheid geheilig