Mag ons ons naam waardig bly

1. Vader Jehovah, almagtig en ewig,

Groot is u liefde, volmaak is u werk.

Bron van die waarheid, oneindig in wysheid,

U is ons Koning, met mag onbeperk.

In u aanbidding skep ons groot behae,

Koninkryksnuus wil ons oral versprei.

2. Skouer aan skouer in u diens so heilig,

Saam met ons broers en ons susters getrou,

Leef ons die waarheid, weerspieël ons u glorie—

Nooit sal ons vreugde in u diens verflou.

Ons dra met trots u groot naam, o Jehovah,

Ons is heelhartig aan u toegewy.