Werk eensgesind saam

1. As Gods kudde werk ons as een;

soos beloof, het hy ons geseën.

Ons word dus gelukkig bevind,

vreedsaam en eensgesind.

Kosbaar is ons eenheid,

soet ons harmonie.

Besig in Gods diens wil ons bly.

Deur sy Seun word ons nou gelei.

Mag ons steeds gehoorsaam bly dien,

dan sal ons eenheid sien.

2. Wyl ons bid vir eenheid van gees,

streef ons om goedhartig te wees.

Liefde groei en word vervolmaak

so sal ons vrede smaak.

Vrede is verkwikkend,

vreugde bring dit mee.

As ons broederliefde betoon,

sal God ons met vrede beloon.

So sal ons verenig kan bly

en ewig lewe kry.