Lied 65
“Dit is die weg”
1. Daar is ’n weg, die weg
van vrede ongekend.
Ons kan die weg net vind
deur ons tot God te wend.
Dit is die weg wat ook aan
God se Seun behoort.
Dit is die vredesweg
wat ons vind in Gods Woord.
(REFREIN)
Dit is die weg wat tot die lewe lei.
O, wyk nie af, dié weg sal jou bevry!
Hoor God se roepstem: ‘Dit is die weg;
ja, kyk nooit t’rug, onthou: dit is die weg.’
2. Daar is ’n weg, die weg
van liefde ongeveins.
Dit bring ons na aan God
as ons dit bly bepeins.
Gods liefde is opreg,
so ruim en onverdiend.
Dit is die liefdesweg;
so word ons God se vriend.
(REFREIN)
Dit is die weg wat tot die lewe lei.
O, wyk nie af, dié weg sal jou bevry!
Hoor God se roepstem: ‘Dit is die weg;
ja, kyk nooit t’rug, onthou: dit is die weg.’
3. Daar is ’n weg, die weg
wat tot die lewe lei.
Dit is die beste weg,
want dis deur God berei.
Op hierdie weg wil ons
bly wandel lewenslank.
Dit is die weg van God;
aan hom gaan al die dank.
(REFREIN)
Dit is die weg wat tot die lewe lei.
O, wyk nie af, dié weg sal jou bevry!
Hoor God se roepstem: ‘Dit is die weg;
ja, kyk nooit t’rug, onthou: dit is die weg.’