Lied 10
“Hier is ek! Stuur my”
1. Vandag werp mense smaad en blaam,
uit elke oord op God se naam.
As swak of wreed stel hul hom voor.
“Daar is geen God!” laat dwase hoor.
Wie sal Gods naam van blaam bevry,
voor almal God se lof berei?
“Heer, hier is ek! Stuur my, stuur my.
U lof besing ek immer bly.
(REFREIN)
Geen groter eer kan ek ooit kry, Heer.
Hier is ek! Stuur my, stuur my.”
2. Hul spot met God en sê hy’s traag;
hul doen ook niks wat hom behaag.
Party dien selfs ’n god van steen.
Party dien weer die Staat alleen.
Wie sê vir hul wat op hul wag?
Wie waarsku hul van God se dag?
“Heer, hier is ek! Stuur my, stuur my.
Met moed sal ek u naam bely.
(REFREIN)
Geen groter eer kan ek ooit kry, Heer.
Hier is ek! Stuur my, stuur my.”
3. Sagmoediges bly sug en steun
oor al die gruwels om hul heen.
Hul soek tot hul die waarheid kry,
want net die waarheid maak hul vry.
Wie sal sagmoediges vertroos
en aanhou preek in dae boos?
“Heer, hier is ek! Stuur my, stuur my.
Vir waarheid sal ek altyd stry.
(REFREIN)
Geen groter eer kan ek ooit kry, Heer.
Hier is ek! Stuur my, stuur my.”