Gaan vooruit!

1. Gaan vooruit, gaan vooruit tot volwassenheid!

Dis die wil van ons God dat ons vorder deurentyd.

Span jou in om te groei in jou vaardigheid,

Dan sal God jou werk beloon.

Daar’s ’n plek in die diens vir elkeen.

Dis die werk ook gedoen deur sy Seun.

Dank Jehovah dat jy op sy hulp kan steun,

Volg die Christus se patroon.

2. Gaan vooruit, gaan vooruit, en verkondig nou

Goeie nuus aan die volke, aan elke man en vrou.

Bring so lof aan Jehovah, dien hom getrou,

Deur te preek van deur tot deur.

En as vyande ons sou bedreig,

Staan ons vas, sal ons aanhou getuig,

Oor die Koninkryksnuus sal ons nimmer swyg,

So kan almal van God leer.

3. Gaan vooruit, gaan vooruit, ywer dag ná dag;

En word steeds meer bekwaam, want daar’s soveel werk wat wag.

Vra Jehovah ons God vir hernieude krag;

Smaak die vreugde wat nooit kwyn.

Toon jou liefde vir almal wat hoor.

Gaan terug om hul hart aan te spoor;

Help hul vorder, beywer jou steeds daarvoor,

Sodat waarheidslig kan skyn.