Wandel in onkreukbaarheid

1. Deursoek my, Heer, in u barmhartigheid;

sien hoe ek u vertrou, sien my onkreukbaarheid.

Deursoek my, God, en stel my op die proef;

ja, louter ook my hart dat ek u nie bedroef.

2. Ek sit nie saam met dié wat leuentaal praat;

vermy die vriendskap van dié wat die waarheid haat.

Neem nie my siel saam met die sondaars weg,

met dié wat bloed vergiet en teen u wette veg.

3. My hart begeer om in u huis te woon.

Ek vra dat u, o Heer, aan my u guns betoon.

En ek sal daagliks om u altaar gaan,

my danklied luid laat hoor solank as ek bestaan.