-
Waarom voortgaan?Ontwaak! – 2014 | April
-
-
VOORBLADONDERWERP
Waarom voortgaan?
AS JY Dianaa ontmoet, sal jy vind dat sy ’n intelligente, vriendelike en uitgaande jong vrou is. Maar onder Diana se bekoorlike uiterlike skuil daar ’n verlammende wanhopigheid wat haar dae, weke en selfs maande lank heeltemal nutteloos laat voel. “Daar gaan nie ’n dag verby dat ek nie daaraan dink om te sterf nie”, sê sy. “Ek glo werklik dat die wêreld sonder my ’n beter plek sal wees.”
“Party studies toon dat daar vir elke sterfte weens selfmoord 200 mense is wat selfmoord probeer pleeg het en 400 [ander] mense is wat dit oorweeg het.”—THE GAZETTE, MONTREAL, KANADA.
Diana sê dat sy nooit selfmoord sal pleeg nie. Maar soms sien sy geen rede om voort te gaan met die lewe nie. “My grootste wens is om in ’n ongeluk te sterf”, sê sy. “Ek beskou die dood as ’n vriend—nie as ’n vyand nie.”
Baie mense kan hulle vereenselwig met hoe Diana voel, en party van hulle het dit wel oorweeg—of het al probeer—om selfmoord te pleeg. Maar deskundiges wys daarop dat die meeste mense wat selfmoord probeer pleeg, nie werklik hulle lewe wil beëindig nie; hulle wil bloot hulle lyding beëindig. Kortom, hulle glo dat hulle ’n rede het om te sterf; wat hulle nodig het, is ’n rede om te lewe.
Waarom voortgaan? Beskou drie redes om te bly lewe.
a Naam is verander.
-
-
1 Omdat dinge veranderOntwaak! – 2014 | April
-
-
VOORBLADONDERWERP | WAAROM VOORTGAAN?
1 Omdat dinge verander
“Ons word in elke opsig geknel, maar nie só vasgekeer dat ons nie kan beweeg nie; ons is raadop, maar nie heeltemal sonder uitweg nie.” —2 KORINTIËRS 4:8.
Selfmoord is al “’n permanente oplossing vir ’n tydelike probleem” genoem. Al is dit moeilik om te glo, kan ’n ontstellende situasie—selfs ’n situasie wat skynbaar buite jou beheer is—tydelik wees. Trouens, dit kan onverwags verbeter.—Sien die venster “Hulle situasie het verander”.
Selfs as dit nie verbeter nie, is dit die beste om jou probleme een dag op ’n slag aan te pak. “Moet julle . . . nooit kwel oor die volgende dag nie”, het Jesus gesê, “want die volgende dag sal sy eie sorge hê. Elke dag het genoeg van sy eie kwaad.”—Matteus 6:34.
Maar sê nou jou omstandighede kan nie verander nie? Gestel byvoorbeeld jy ly aan ’n chroniese siekte. Of sê nou jy voel wanhopig as gevolg van ’n onveranderlike situasie, soos ’n egskeiding of die dood van ’n geliefde?
Selfs in hierdie gevalle is daar iets wat jy kan verander: jou beskouing van die situasie. As jy leer om die onveranderlike te aanvaar, sal jy heel waarskynlik ’n positiewer beskouing van sake verkry (Spreuke 15:15). Jy sal ook meer geneig wees om eerder na maniere te soek om die situasie die hoof te bied as om drasties op te tree en jou lewe te neem. Wat is die gevolg? Jy begin ’n mate van beheer verkry oor ’n situasie wat onbeheerbaar lyk.—Job 2:10.
ONTHOU DIE VOLGENDE: Jy kan nie met een tree tot bo-op ’n berg kom nie; maar jy kan die uitdaging een tree op ’n slag aanpak. Dieselfde geld vir die meeste struikelblokke waarvoor jy te staan kom, ongeag hoe bergagtig dit lyk.
WAT JY VANDAG KAN DOEN: Praat met iemand—miskien ’n vriend of ’n gesinslid—oor jou situasie. Hierdie persoon sal jou moontlik help om ’n meer gebalanseerde beskouing van jou situasie te verkry.—Spreuke 11:14.
-
-
2 Omdat daar hulp isOntwaak! – 2014 | April
-
-
VOORBLADONDERWERP | WAAROM VOORTGAAN?
2 Omdat daar hulp is
“[Werp] al julle sorge op [God], want hy sorg vir julle.”—1 PETRUS 5:7.
Jy verkies dalk die dood bo die lewe wanneer jy meen dat jy niks kan doen om jou situasie te verbeter nie. Maar kom ons kyk na hulp wat vir jou beskikbaar is.
Gebed. Gebed is nie bloot ’n emosionele kruk nie; dit is ook nie ’n laaste uitweg vir wanhopige siele nie. Dit is ware kommunikasie met Jehovah God, wat vir jou omgee. Jehovah wil hê dat jy hom van jou sorge moet vertel. Trouens, die Bybel spoor ons aan: “Werp jou las op Jehovah, en hy sal jou onderskraag.”—Psalm 55:22.
Praat gerus vandag met God in gebed. Gebruik sy naam, Jehovah, en praat uit die hart (Psalm 62:8). Jehovah wil hê dat jy hom as ’n vriend moet leer ken (Jesaja 55:6; Jakobus 2:23). Gebed is ’n kommunikasiemiddel wat jy enige tyd en op enige plek kan gebruik.
Volgens die Amerikaanse Stigting vir die Voorkoming van Selfmoord “is daar deurgaans in studies bevind dat die oorgrote meerderheid van selfmoordslagoffers—90% of meer—ten tye van hulle dood aan ’n geestesversteuring gely het. Maar hierdie versteurings is dikwels nie erken, gediagnoseer of behoorlik behandel nie”
Mense wat omgee. Jou lewe is belangrik vir ander—insluitende jou gesinslede of vriende wat dalk reeds besorgdheid oor jou uitgespreek het. Mense wat omgee, sluit ook mense in wat jy miskien nog nooit ontmoet het nie. Byvoorbeeld, Jehovah se Getuies kom soms wanhopige mense in hulle bediening teë, van wie party al erken het dat hulle dringend hulp nodig gehad het en dit oorweeg het om hulle lewe te neem. Die deur-tot-deur-bediening bied Jehovah se Getuies die unieke geleentheid om sulke mense te help. In navolging van Jesus se voorbeeld gee Jehovah se Getuies vir hulle medemens om. Hulle gee vir jou om.—Johannes 13:35.
Professionele hulp. Selfmoordgedagtes dui dikwels op ’n gemoedsversteuring, soos kliniese depressie. Jy hoef nie skaam te voel as jy aan ’n emosionele siekte ly nie, net soos jy nie skaam hoef te voel as jy aan ’n fisiese siekte ly nie. Trouens, depressie is al “die verkoue van die verstand” genoem. Feitlik enigiemand kan dit kry—en dit kan behandel word.a
ONTHOU DIE VOLGENDE: Dit is gewoonlik nie moontlik om sonder hulp uit ’n diep put van depressie te kom nie. Maar as daar ’n helpende hand is, kan jy dit regkry.
WAT JY VANDAG KAN DOEN: Soek ’n gerespekteerde dokter wat gemoedsversteurings, soos depressie, behandel.
a As jy oorweldigende selfmoordgedagtes het wat nie wil weggaan nie, moet jy uitvind watter hulpmiddele tot jou beskikking is—dalk ’n selfmoordnoodlyn of ’n hospitaal se ongevalle-afdeling. Die mense wat daar werk, is opgelei om hulp te verleen.
-
-
3 Omdat daar hoop isOntwaak! – 2014 | April
-
-
VOORBLADONDERWERP | WAAROM VOORTGAAN?
3 Omdat daar hoop is
“Die sagmoediges sal die aarde besit, en hulle sal hulle inderdaad verlustig in die oorvloed van vrede.”—PSALM 37:11.
Die Bybel sê dat die lewe vol “ontsteltenis” is (Job 14:1). Vandag word almal deur tragedies van die een of ander aard geraak. Maar party mense meen dat daar geen hoop is nie—dit is vir hulle asof daar geen lig op die horison, geen vooruitsig op ’n beter toekoms, is nie. Is dit hoe jy voel? Indien wel, kan jy seker wees dat die Bybel ware hoop bied—nie net vir jou nie, maar vir die hele mensdom. Byvoorbeeld:
Die Bybel leer dat Jehovah God iets baie beters vir ons in gedagte gehad het.—Genesis 1:28.
Jehovah God belowe om ons aarde ’n paradys te maak.—Jesaja 65:21-25.
Hierdie belofte sal beslis vervul word. Openbaring 21:3, 4 sê:
“Die tent van God is by die mensdom, en hy sal by hulle woon, en hulle sal sy volke wees. En God self sal by hulle wees. En hy sal elke traan van hulle oë afvee, en die dood sal daar nie meer wees nie, en ook verdriet en angsgeroep en pyn sal daar nie meer wees nie. Die vorige dinge het verbygegaan.”
Hierdie hoop is nie bloot wensdenkery nie. Jehovah God is beslis van voorneme om dit te verwesenlik, en hy het die krag sowel as die begeerte om dit te doen. Die hoop wat die Bybel bied, is betroubaar, en dit voorsien ’n duidelike antwoord op die vraag: “Waarom voortgaan met die lewe?”
ONTHOU DIE VOLGENDE: Hoewel jou emosies jou soos ’n boot op ’n onstuimige see kan laat voel, kan die Bybel se boodskap van hoop vir jou soos ’n anker wees.
WAT JY VANDAG KAN DOEN: Stel ondersoek in na wat die Bybel leer oor ’n ware hoop vir die toekoms. Jehovah se Getuies sal jou met graagte help. Jy kan met die Getuies in jou omgewing in aanraking kom of nuttige inligting vind op hulle webwerf, jw.org/af.a
a Wenk: Besoek jw.org/af en kyk onder PUBLIKASIES > AANLYN BIBLIOTEEK. Daar kan jy sleutelwoorde soos “depressie” of “selfmoord” intik om meer hulp te kry.
-