Lied 68
Godvrugtige medelye
1. Wil ons Christus waarlik navolg,
Moet ons medelye toon
Aan geliefdes en aan vreemdes,
Of hul ver of naby woon.
Jesus,ons groot Leraar,
Het dit so mooi toegelig
Met ’n illustrasie.
Duidelik toon dit ons plig.
2. ‘’n Samaritaan het eenmaal
Afgegaan na Jerigo.
Langs die pad sien hy ’n Jood lê;
Dit vul hom met mededoë.’
Hulp verleen hy dad’lik;
Vooroordeel skuif hy opsy.
Liefde bring die redding.
God se wet het hom gelei.
3. Dit toon duid’lik wie’s ons naaste:
Hy wat ons hulp nodig het.
God is goed vir alle mense,
Op sy voorbeeld moet ons let.
Groot is God se deernis!
Dit maak hom ons beste vriend.
Weens sy milde goedheid
Help hy ons steeds onverdiend.
4. Daar is tye dat ons naaste
Kos en klere nodig het.
Maar om ewig hier te lewe,
Moet hul leer van God se wet.
Kennis van die waarheid
Sal ons vir ons naaste bring.
Danksy die genade
Kan hul ook Gods lof besing.