Lied 65
Vergader in eenheid
1. Hoe goed en lieflik is dit
As broers in eenheid woon;
As hul harmonies saam werk
En ware liefde toon.
Die Heer se seën sal daarop rus;
Dit is soos Hermonsdou
Wat sag op Sionshange val,
Hul fris en vars te hou.
2. Laat ons dus trou vergader;
Tot werke aan te spoor.
Vertel aan alle mense
Die hoop wat ons bekoor.
En laat ons vir vergaderings
Ook deeglik voorberei,
Dat ons goed toegerus kan wees
Die waarheid te versprei.
3. Jehovah is betroubaar;
Sy Woord is altyd waar.
Studeer ons dit tesame
Word ons veel leed bespaar.
En laat ons dit nooit nalaat om
Gereeld byeen te kom,
En dit veral daar ons nou sien
Hoe Gods dag nader kom.